Бас-гітара

Бас-ґітара — струнны шчыпковы электронны музычны інструмэнт. Выглядае як гітара, але ў клясычным варыяньце мае чатыры струны (сучасная бас-ґітара можа мець ад чатырох да шасьці струн).

Гісторыя

Першапачаткова бас-ґітара была акустычнай і мела вялізарныя памеры й надта нізкі гук. Але яе электрыфікацыя паспрыяла зьмяньшэньню яе памераў і зрабіла бас-ґітару добрай альтэрнатывай кантрабасу. Цяпер жа, зь цягам часу й павышэньнем майстэрства ґітарных вытворцаў, зьявілася магчымасьць зрабіць акустычны бас кампактных памераў.

Электрычная ж бас-ґітара зьявілася дзякуючы ініцыятыве амэрыканскага ґітарнага майстра Леа Фэндэра, які напачатку 1950-х гадоў вырашыў стварыць кампактны нізкачастотны інструмэнт, які б нагадваў невялічкі й ціхі кантрабас. Ён ўласна й збудаваў першы інструмэнт тыпу «Фэндэр Прэсіжн Бас» (Fender Precission Bass), які зьнешне нагадваў ґітару, але меў квартавы строй кантрабасу.

Першапачаткова бас-ґітару выкарыстоўвалі ў джазавых і кантры-калектывах дзеля акцэнтаваньня ў тыя часы не падгучваемага бас-бубна, але са зьмяненьнем тэхнікі агучваньня інструмэнтаў на канцэртах і ў студыі патрэбнасьць у гэтым зьнікла, і ў некаторых стылях бас пачалі выкарыстоўваць як паўмэлядычны інструмэнт.

Тэхніка гры

Піцыката (шчапковы мэтад) — асноўная тэхніка гуказдабыцьця на басу. Дзеля карыстаньня піцыкатай вялікі палец кладуць на гуказдымальнік ці чацьвёртую струну, а ўказальным і сярэднім па чарзе шчыкаюць струны. Некаторыя найбольш віртуозныя музыкі могуць выкарыстоўваць таксама безыменны палец і нават мезенік.

Гра мэдыятарам — таксама даволі папулярна. У адрозьненьне ад папярэдняга мэтаду гук атрымоўваецца даволі жорсткі, таму асноўныя карыстальнікі гэтага мэтаду — музыкі, што граюць даволі агрэсіўную музыку (панк, гард-кор, разнастайны мэтал).

Рэкінг — гра выключна ўказальным пальцам. Выкарыстоўваецца, калі гра двума й больш пальцамі адцягвае увагу выканаўцы, асабліва калі ён сьпяваючы басіст.

Гамэр-фінґэр (палец-малаточак) — спосаб гры, пры якім гук здабываецца пры моцным удары пальцамі па струнах грыфу. Выкарыстоўваецца пры дастаткова складаных пераходах пры гры піцыкатай. А таксама калі выканаўца адначасова з бас-ґітарай грае на іншым інструмэнце (часьцей клявішах, ці пэркусіі). Таксама гамэр-фінґэр выкарыстоўваецца дзеля гры на інструмэнце, які спалучае ў сабе басовую і гітарную частку, хаця найбольш вядомы з-за ўжываньня яго Тоні Левінам — Стыку Чэпмэна (Chapman Stick).

Слайд — тэхніка, выкарыстоўваемая часьцей дзеля гры на бязладавае бас-ґітары. Пры сляйдзе пасьля здабываньня гуку правай рукой палец левай не адпускаецца, а рухаецца па грыфу, тым самым зьмяняючы вышыню гуку.

Слэп — асаблівая пэркусыйная тэхніка. Каб здабыць гук слэпам, трэба моцна ўдарыць па струне косткай вялікага пальцу. У асноўным выкарыстоўваецца музыкамі, што граюць фанк.

Тэпінг — прыём, які перайшоў на бас са звычайнае ґітары (таксама як гра пальцамі, альбо медыятарам). Зьнешне нагадвае гамэр-фінґэр, але падчас гры тэпінгам выкарыстоўваюцца пальцы абедзьвюх рук, што дазваляе выконваць даволі складаныя мэлядычныя малюнкі альбо ўвогуле надаваць ілюзыю гры на дзьвюх інструмэнтах адначасова.

Вядомыя басісты

Сусьвет

Алайн Каран (Alain Carone)
Стыў Бэйлі (Steve Bailey)
Флі (Flea)
Кліф Бэртан (Cliff Burton)
Філдзі (Fieldy)
Лес Клейпул (Les Claypool)
Стэнлі Кларк (Stanley Clarke)
Джо Дэмая (Joey DeMaio)
Джон Энтўістл (John Entwistle)
Мо Фостэр (Mo Foster)
Хесус Ґабальдон (Jesús Gabaldón)
Лары Ґрэам (Larry Graham)
Ст’юарт Гэм (Stuart Hamm)
Тасімаса Хара (Toshimasa Hara)
Стыў Гарыс (Steve Harris)
Джонас Гэльборґ (Jonas Hellborg)
Энтані Джэксан (Anthony Jackson)
Льюіс Джонсан (Louis Johnson)
Мікі Ўэй (Mikey Way)
Джон Пол Джонз (John Paul Jones)
Марк Кінг (Mark King)
Ґрэґ Лейк (Greg Lake)
Ґэдзі Лі (Geddy Lee)
Тоні Левін (Tony Levin)
Майкл Мэнрынґ (Michael Manring)
Маркус Мілер (Marcus Miller)
Джон М’юнґ (John Myung)
Адамі Ніці (Adami Nitti)
Жако Пасторыюс (Jaco Pastorius)
Джон Патытучы (John Patitucci)
Дамінік Дып’яца (Dominique diPiazza)
Маґнус Розэн (Magnus Rosen)
Ґэры Ўіліс (Gary Willis)
Віктар Вутэн (Victor Wooten)
Білі Шыан (Billy Sheehan)
Шава Абаджан (Shavo Odadjian)
Стыў Дыджорджыё (Steve DiGiorgio)
Майк Дэрнт (Mike Dirnt)
Пітэр Вэнц (Peter Wentz)
Робэрт Труджылё (Robert Trujillo)
Пол Макартні
Даф Макаґан (Duff McKagan)

Беларусь

Кастусь Калесьнікаў
Дзяніс «Аліса» Барбуха
Рамэо
Зьміцер Астроўскі
Аляксей Паўловіч
Вячаслаў Сяргеенка
Людзьміла Крукоўская
Эдуард Юдовін
Дзяніс Дробны
Уладзіслаў Плюшчаў
Вікторыя Сычэвіч
Юрась Ляўкоў
Яўген Броўка
Яўген Міронаў
Віктар Самарукаў
Сяржук Краўчанка
Ігар Сацэвіч
Юры Фядзюк
Андрусь Семянюк
Руслан Праўда
Акрабат
Аляксей Зайцаў
Ігар Сарокін
Алесь Каліноўскі
Алесь Ванькевіч
Валеры Башкоў
Уладзіслаў Кірушчанка
Алесь Мышкевіч
Мікалай Няронскі

Глядзіце таксама

Барытон-гітара

Вонкавыя спасылкі

Бас-гітара — сховішча мультымэдыйных матэрыялаў