Балтыйская гандбольная ліга

Балты́йская лі́га (па-ангельску: Baltic Handball League) — міжнароднае гандбольнае спаборніцтва, заснаванае ў 1993 року, у якім бяруць удзел гандбольныя клюбы 6 краінаў Балтыі, Беларусі ды Ўкраіны. У сэзоне 2018—2019 удзельнічае беларускі віцэ-чэмпіён «СКА» (Менск).

Балтыйская ліга
Апошні сэзон:
2018—2019
Матч Балтыйскай лігі «Віцязь-РДВАР» — «Жэмайтыяс Драгунас»
Матч Балтыйскай лігі «Віцязь-РДВАР» — «Жэмайтыяс Драгунас»
ДысцыплінаГандбол
Дата зьяўленьня1993
Колькасьць удзельнікаў12
Краіны
КантынэнтыЭўропа
Дзейны чэмпіёнРыіхімяэн Кокс
Найбольш тытулаўСьцяг Беларусі СКА Менск (12)
Фармат турнірукругавы

МінуўшчынаРэдагаваць

У сэзоне 2002—2003 рокаў бралі ўдзел 8 клюбаў з 5 краінаў. Упершыню да ўдзелу далучыўся санкт-пецярбурскі клюб «Сьцяпан Разін Нява(ru)»[1], які адразу ж складаў канкурэнцыю фаварытам, а праз два гады і перамог у турніры.

У сэзоне 2004—2005 рокаў бралі ўдзел 8 клюбаў: беларускі «СКА Менск», латвійскі «АСК Рыга(sk)» і студэнцкая зборная Латвіі, летувіскія «Вікінг Молт Панявеж» і «Гранітас Коўна(sk)», расейскі «Сьцяпан Разін Нява» і эстонскія «Кехра» ды «Чоклэт Бойз(et)»[2].

У наступным сэзоне колькасьць удзельнікаў лігі дасягнула 10, калі замест «Вікінг Молту» і студэнцкай зборнай Латвіі прыйшлі чатыры новыя клюбы: латвійскія «ЛСПА/Угундзэсейс Рыга» і «Тэнакс Добеле», летувіская «Швіеса Саванорыс Вільня(en)» і эстонская «Пыльва»[3]. Аднак пасьля таго, як у сярэдзіне сэзону празь фінансавыя цяжкасьці зьняўся з турніру расейскі клюб «Сьцяпан Разін Нява»,[4], розыгрыш 2005—2006 рокаў скончылі дзевяцёра ўдзельнікаў. У гэтым годзе ўвесь п’едэстал занялі эстонскія клюбы[5].

Сэзон 2006—2007 рокаў стаў дэбютным для яшчэ аднаго беларускага клюбу — берасьцейскага «БГК»[6], які далучыўся да 9-ці мінулагодніх удзельнікаў[7]. Няўдала стартаваўшы, берасьцейцы тым ня меней цягам усяго сэзону даганялі фаварытаў і па выніках рэгулярнага чэмпіянату абышлі менскі «СКА», а ў фінальнай частцы сталі срэбнымі прызэрамі[8].

Наступны сэзон папоўніўся яшчэ двума беларускімі клюбамі і ўжо вядомымі вяртанцамі з Санкт-Пецярбургу пад новым назовам. Такім чынам, чэмпіянат 2007—2008 рокаў пачалі 11 камандаў: «Аркатрон», «БГК», «Вікторыя-Рэгія», «СКА» (усе — Беларусь); «Кехра», «Пыльва», «Чоклэт Бойз» (усе — Эстонія); «АСК», «Тэнакс Добеле» (усе — Латвія); «Гранітас» (Летува) і «Нява» (Расея)[9]. Пазьней «Вікторыя-Рэгія» зьнялася з чэмпіянату, усе ейныя вынікі былі ануляваныя[10]. «БГК» і «СКА» прабіліся ў фінал шасьці (адпаведна 1-е і 4-е месца па выніках сэзону)[11], дзе фінішавалі 2-мі і 4-мі[12].

Сэзон 2008—2009 рокаў ізноў пачалі 11 клюбаў. Гэтым разам замест выбылага «Аркатрону» выступала навастворанае менскае «Дынама Менск», усё тыя ж 3 эстонскія клюбы («Кехра», «Пыльва», «Чоклэт Бойз»), 3 латвійскія («АСК», «ЛСПА», «Тэнакс Добеле»), па адным клюбе зь Летувы («Гранітас») і Фінляндыі («Рыіхімяэн Кокс(sk)»)[13]. Па выніках кругавога турніру менскія «дынамаўцы» занялі першае месца, «БГК» — 2-е, «СКА» — 4-е[14]. У фінале шасьцёх пераможцамі таксама сталі менскія дэбютанты[15].

У сэзоне 2009—2010 рокаў засталося 5 клюбаў: «Дынама Менск», «ЛСПА Рыга», «Кокс Рыіхімякі», «Пыльва» ды «Кехра»[16], якія ў кругавым турніры вызначылі чацьверку мацнейшых для другога этапу. Менскае «Дынама», што заняло ў групавым турніры першы радок, адмовілася ад удзелу ў фінале чатырох праз занятасьць у плэй-оф чэмпіянату Беларусі[17], таму ў фінале ўдзельнічалі толькі тры клюбы, якія й разыгралі прызавыя месцы[18].

У розыгрышы лігі 2010—2011 рокаў узялі ўдзел 7 клюбаў з Латвіі, Летувы, Фінляндыі й Эстоніі[19]. Чэмпіёнам стаў эстонскі клюб з Кехры[20].

У наступным сэзоне выступалі тыя самыя 7 клюбаў[19], і «Кехра» паўторна заваявала тытул[20].

У 2012—2013 роках замест летувіскае «Швіесы»(en) зьявіліся летувіскі «Гранітас» з Коўна і беларускі «СКА»[19], які адразу перамог у чэмпіянаце[20].

У сэзоне 2013—2014 выступалі 8 клюбаў: 3 зь БеларусіБГК імя Мяшкова», «Віцязь-РДВАР Менск», «СКА Менск»), 2 з Эстоніі («Кехра» і «Пыльва»), па адным з Латвіі («Цэлтніекс/ЛСПА»), Летувы («Жамойцкія драгуны») ды Фінляндыі («Рыіхімяэн Кокс»)[19]. Чэмпіёнам другі год запар стаў менскі «СКА»[21].

У розыгрышы 2014—2015 ліга была падзеленыя на два дывізіёны па 6 клюбаў[22]. У вышэйшы трапілі 6 клюбаў: «БГК імя Мяшкова» і «СКА» (Беларусь), «Швіеса» (Летува), «Рыіхімяэн Кокс» (Фінляндыя) ды «Кехра» і «Пыльва» (Эстонія). У ніжэйшым, які атрымаў назву Балтыйская ліга выкліку, выступалі наступныя клюбы: «Вільяндзі(et)», «Віцязь-РДВАР», «Гранітас», «Драгунас», «Тэнакс Добеле» ды «Цэлтніекс/ЛСПА»[23]. Чэмпіёнам лігі трэці раз запар стаў менскі «СКА»[24].

З розыгрышу 2015—2016 дывізіёны пераўтвораныя ў раўназначныя групы, 4 найлепшыя каманды якіх па выніках кругавога турніру трапляюць у плэй-оф з прадстаўнікамі іншай групы[25]. Месца «Швіесы» заняў латвійскі клюб «Огрэ»[26]. Таксама было прынятае рашэньне пра тое, што з мэтай эканоміі сродкаў гульні лігі будуць адбывацца толькі на пляцоўках трох балтыйскіх дзяржаваў. Такім чынам, беларускія і фінскі клюбы свае «хатнія» матчы ладзілі на пляцоўках супернікаў. Адзіным выключэньнем былі сустрэчы міжсобку беларускіх клюбаў[25]. Тым ня меней, гэта не перашкодзіла менскаму СКА заняць першае месца ў групе «А», а ў фінале чатырох наймацнейшым стаў фінскі «Рыіхімяэн Кокс»[27].

У сэзоне 2016—2017 да ўдзелу ўпершыню далучыўся ўкраінскі клюб — ЗТР Запарожжа[28], пашырыўшы геаграфію лігі да 6 краінаў[29]. Беларускія клюбы БГК імя Мяшкова (які фактычна выступаў другім складам) і «Віцязь» вырашылі ня ўдзельнічаць у розыгрышы, як і латвійскі «Огрэ». Праз год адсутнасьці вярнулася летувіская «Швіеса». Такім чынам, у розыгрышы ўзялі ўдзел 11 клюбаў, прычым фінскі «Рыіхімяэн Кокс» здабыў права праводзіць хатнія матчы на сваёй пляцоўцы пры ўмове, што аплоціць транспартныя выдаткі супернікаў. Беларускі і ўкраінскі клюбы ў міжсобных матчах таксама выступалі на хатніх пляцоўках[29]. Дэбютант лігі запароскі ЗТР заняў першае месца у групе «A», а мінулагодні чэмпіён «Рыіхімяэн Кокс» — у групе «B», ня страціўшы ніводнага пункту[30]. «Кокс», СКА і «Пыльва» трапілі ў фінал чатырох пяты год запар[31]. Чацьвёртым стаў украінскі дэбютант, які дайшоў да фіналу, дзе саступіў дзейнаму чэмпіёну. СКА гэтым разам заняў 3-е месца, пакінуўшы эстонскую «Пыльву» без мэдалёў упершыню за апошнія 8 гадоў[32].

У сэзоне 2017—2018 удзельнічалі 12 клюбаў: да 11 мінулагодніх далучыўся эстонскі «Талін(et)», што ўпершыню ў гісторыі лігі давяло колькасьць удзельнікаў з аднае краіны да чатырох[33]. Склад фіналу чатырох паўтарыў склад мінулагодняга сэзону, толькі эстонская «Пыльва» гэтым разам адолела ўкраінскі ЗТР, памяняўшыся зь ім месцамі ў выніку[34].

У сэзоне 2018—2019 склад удзельнікаў застаўся нязьменным, аднак зьмяніўся рэглямэнт розыгрышу. Група «А» ізноў стала вышэйшай, у ейны склад увайшлі «Рыіхімяэн Кокс» (Фінляндыя), «СКА» (Беларусь), «Кехра» і «Пыльва» (Эстонія), «Драгунас» (Летува) ды ЗТР (Украіна); у ніжэйшай апынуліся «Тэнакс Добеле», «Цэлтніекс» (Латвія), «Вільяндзі», «Талін» (Эстонія), «Гранітас», «Швіеса» (Летува). Пераможца групы «А» трапляе наўпрост у Фінал чатырох, каманды з другога па пятае месца выходзяць у плэй-оф, дзе з двума найлепшымі камандамі групы «Б» разыгрываюць тры астатнія месцы[35]. Пераможцам рэгулярнага чэмпіянату стаў менскі клюб СКА[36], да якога ў Фінал чатырох праз плэй-оф далучыліся «Рыіхімяэн Кокс», ЗТР[37] ды «Драгунас»[38]. У фінальнай частцы, якая прайшла ў Менску[39], чэмпіёнамі ў чацьверты раз запар стаў фінскі клюб[40].

ПераможцыРэдагаваць

Сэзон Чэмпіён 2-е месца 3-е месца 4-е месца
1993  
СКА
1993—1994  
СКА
1994—1995  
СКА
1995—1996  
СКА
1996—1997  
СКА
1997—1998  
СКА
1998—1999  
СКА
1999—2000  
СКА
2000—2001  
СКА
2001—2002  
АСК
2002—2003  
АСК
2003—2004[2]  
АСК
 
Сьцяпан Разін
 
Гранітас
 
СКА
2004—2005[41]  
Сьцяпан Разін
 
СКА
 
Гранітас
 
АСК
2005—2006[5]  
Кехра
 
Чоклэт Бойз
 
Пыльва
 
АСК
2006—2007[8]  
АСК
 
БГК
 
Кехра
 
Чоклэт Бойз
2007—2008[12]  
Пыльва
 
БГК
 
АСК
 
СКА
2008—2009[15]  
Дынама
 
Чоклэт Бойз
 
БГК
 
АСК
2009—2010[18]  
Пыльва
 
Рыіхімяэн Кокс
 
ЛСПА
2010—2011  
Кехра
 
Пыльва
 
Швіеса
 
Рыіхімяэн Кокс
2011—2012  
Кехра
 
Пыльва
 
Жэмайтыяс Драгунас
 
Швіеса
2012—2013  
СКА
 
Рыіхімяэн Кокс
 
Пыльва
 
Кехра
2013—2014[21]  
СКА
 
Пыльва
 
Рыіхімяэн Кокс
 
БГК імя Мяшкова
2014—2015[24]  
СКА
 
Рыіхімяэн Кокс
 
Пыльва
 
Кехра
2015—2016[26]  
Рыіхімяэн Кокс
 
СКА
 
Пыльва
 
Гранітас
2016—2017[32]  
Рыіхімяэн Кокс
 
ЗТР Запарожжа
 
СКА
 
Пыльва
2017—2018[34]  
Рыіхімяэн Кокс
 
Пыльва
 
СКА
 
ЗТР Запарожжа
2018—2019[40]  
Рыіхімяэн Кокс
 
ЗТР Запарожжа
 
СКА
 
Жэмайтыяс Драгунас

КрыніцыРэдагаваць

  1. ^ Казанцы вновь ставят подножку(рас.). Невское время (11 красавіка 2003). Праверана 11 верасьня 2014 г.
  2. ^ а б БАЛТИЙСКАЯ ЛИГА. По-новому(рас.) Гандбол / Еврокубки. Прессбол (30 верасьня 2004). Праверана 11 верасьня 2014 г.
  3. ^ 2006 Balti liiga ajakava Kaunas(анг.) (xls) Eesti Käsipalliliit Праверана 11 верасьня 2014 г.
  4. ^ БАЛТИЙСКАЯ ЛИГА. «Нева» ушла(рас.) Гандбол / Еврокубки. Прессбол (28 лютага 2006). Праверана 11 верасьня 2014 г.
  5. ^ а б 2006 Balti liiga mehed käsipallis 02.04.06(эст.) Eesti Käsipalliliit Праверана 11 верасьня 2014 г.
  6. ^ 2006—2007(рас.) История. БГК імя Мяшкова. Праверана 9 лістапада 2016 г.
  7. ^ 2007 Balti liiga meeste käsipallis(анг.) (xls) Eesti Käsipalliliit Праверана 11 верасьня 2014 г.
  8. ^ а б 2007 Balti liiga meeste käsipallis(эст.) Eesti Käsipalliliit Праверана 11 верасьня 2014 г.
  9. ^ 2008 Balti liiga meeste käsipallis(эст.) Eesti Käsipalliliit Праверана 11 верасьня 2014 г.
  10. ^ 2008 Balti liiga meeste käsipallis(эст.) Eesti Käsipalliliit Праверана 11 верасьня 2014 г.
  11. ^ 2008 Balti liiga meeste käsipallis(эст.) Eesti Käsipalliliit Праверана 11 верасьня 2014 г.
  12. ^ а б 2008 Balti liiga FINAL6 meeste klubide käsipallis(эст.) Eesti Käsipalliliit Праверана 11 верасьня 2014 г.
  13. ^ 2009 Balti liiga meeste käsipallis(эст.) Eesti Käsipalliliit Праверана 11 верасьня 2014 г.
  14. ^ 2009 Balti liiga meeste käsipallis(эст.) Eesti Käsipalliliit Праверана 11 верасьня 2014 г.
  15. ^ а б 2009 Balti liiga meeste käsipallis - finaalturniir FINAL 6(эст.) Eesti Käsipalliliit Праверана 11 верасьня 2014 г.
  16. ^ 2010 Balti liiga meeste klubide käsipallis(эст.) Eesti Käsipalliliit Праверана 11 верасьня 2014 г.
  17. ^ 2010 Balti liiga finaalturniir meeste klubide käsipallis(эст.) Eesti Käsipalliliit Праверана 11 верасьня 2014 г.
  18. ^ а б 2010 Balti liiga finaalturniir meeste klubide käsipallis(эст.) Eesti Käsipalliliit Праверана 11 верасьня 2014 г.
  19. ^ а б в г Teams(анг.) Афіцыйная бачына Балтыйскай гандбольнай лігі Праверана 4 сьнежня 2013 г.
  20. ^ а б в History(анг.) Афіцыйная бачына Балтыйскай гандбольнай лігі Праверана 4 сьнежня 2013 г.
  21. ^ а б SKA successfully defends the BHL title(анг.) News. Baltic Handball League (13 красавіка 2014). Праверана 4 верасьня 2014 г.
  22. ^ History(анг.) Афіцыйная бачына Балтыйскай гандбольнай лігі Праверана 20 верасьня 2014 г.
  23. ^ BCL Teams. Season 2014/2015(анг.) Афіцыйная бачына Балтыйскай гандбольнай лігі Праверана 22 кастрычніка 2014 г.
  24. ^ а б SKA Minsk makes it three out of three!(анг.) Афіцыйная бачына Балтыйскай гандбольнай лігі Праверана 7 верасьня 2015 г.
  25. ^ а б Renewed BHL ready to kick off(анг.) Афіцыйная бачына Балтыйскай гандбольнай лігі Праверана 3 лістапада 2016 г.
  26. ^ а б BHL 2015/2016 Standings(анг.) Афіцыйная бачына Балтыйскай гандбольнай лігі Праверана 3 лістапада 2016 г.
  27. ^ 14:15 Final SKA Minsk vs Riihimäki Cocks(анг.) Афіцыйная бачына Балтыйскай гандбольнай лігі Праверана 3 лістапада 2016 г.
  28. ^ BHL season starts in two weeks!(анг.) Афіцыйная бачына Балтыйскай гандбольнай лігі Праверана 3 лістапада 2016 г.
  29. ^ а б Historical season kicks off this week(анг.) Афіцыйная бачына Балтыйскай гандбольнай лігі Праверана 3 лістапада 2016 г.
  30. ^ BHL 2016/2017 standings(анг.) Афіцыйная бачына Балтыйскай гандбольнай лігі Праверана 20 верасьня 2017 г.
  31. ^ Serviti, Cocks and ZTR join SKA in Final four(анг.) Афіцыйная бачына Балтыйскай гандбольнай лігі Праверана 20 верасьня 2017 г.
  32. ^ а б Cocks is the 2016/17 BHL champion!(анг.) Афіцыйная бачына Балтыйскай гандбольнай лігі Праверана 7 траўня 2019 г.
  33. ^ 2017/18 BHL season takes a little «false start»(анг.) Афіцыйная бачына Балтыйскай гандбольнай лігі Праверана 20 верасьня 2017 г.
  34. ^ а б Cocks is the 2017/18 BHL champion!(анг.) Афіцыйная бачына Балтыйскай гандбольнай лігі Праверана 7 траўня 2019 г.
  35. ^ New system promises tougher competition in BHL(анг.) Афіцыйная бачына Балтыйскай гандбольнай лігі Праверана 7 траўня 2019 г.
  36. ^ SKA Minsk qualifies to Final Four, last year’s finalists meet in quarter-final(анг.) Афіцыйная бачына Балтыйскай гандбольнай лігі Праверана 7 траўня 2019 г.
  37. ^ Cocks and ZTR joined SKA in the Final Four(анг.) Афіцыйная бачына Балтыйскай гандбольнай лігі Праверана 7 траўня 2019 г.
  38. ^ Dragunas secured place in the Final Four(анг.) Афіцыйная бачына Балтыйскай гандбольнай лігі Праверана 7 траўня 2019 г.
  39. ^ BHL Newsletter: Final Four awarded to Minsk(анг.) Афіцыйная бачына Балтыйскай гандбольнай лігі Праверана 7 траўня 2019 г.
  40. ^ а б 2018/19 BHL champion is Cocks Riihimäki!(анг.) Афіцыйная бачына Балтыйскай гандбольнай лігі Праверана 7 траўня 2019 г.
  41. ^ 2005 Balti liiga lõpptulemused(эст.) Eesti Käsipalliliit Праверана 11 верасьня 2014 г.

Вонкавыя спасылкіРэдагаваць

  Балтыйская гандбольная лігасховішча мультымэдыйных матэрыялаў