Базыліка Божага Цела (Кракаў)

Базыліка Божага Цела (па-польску: Bazylika Bożego Ciała) — касьцёл гатычнага архітэктурнага стылю, які знаходзіцца ў Кракаве, Польшча.

Малая базыліка Божага Цела, Кракаў, Польшча

Гісторыя

Будаўніцтва сёньняшняга храму было распачата ў 1385 годзе на месцы драўлянага касьцёлу і было скончана ў 1405 годзе. У 1405 г. Уладзіслаў II Ягайла запрасіў манахаў з манаскага ордэну лятэранскіх канонікаў служыць у гэтым касьцёле. Для іх пазьней быў пабудаваны каля касьцёлу кляштар. Прадстаўнікі гэтага манаскага ордэну служаць у базыліцы Божага Цела да цяперашняга часу. У сярэдзіне XV стагодзьдзя тут служыў вядомы кракаўскі прапаведнік Станіслаў Казімерчык, прылічаны да ліку блажэнных.

Шчыпец фасаду быў дабудаваны ў 1500 годзе. Званіца была пабудавана ў 1566—1582 гадох.

24 студзеня 2005 году Папа Ян Павал II выдаў дэкрэт, якія прылічыў касьцёл Божага Цела ў Кракаве да малой базылікі.

Крыніцы

• Przewodnik: Bazylika i Klasztor Bożego Ciała Kanoników Regularnych Laterańskich na Kazimierzu w Krakowie, Kazimierz Łatak CRL.
• Przewodnik po zabytkach Krakowa, Michał Rożek, Wydawnictowo WAM, 2006.

Вонкавыя спасылкі

• Гісторыя храма і галерэя  (пол.)