Беларуская сацыял-дэмакратычная Грамада

	Партыя «Беларуская сацыял-дэмакратычная Грамада»
Лідэр партыі	Станіслаў Шушкевіч
Дата заснаваньня	1991—1996, узноўленая ў 1998
Распушчаная	31 ліпеня 2023 году
Штаб-кватэра	220013, Менск, вул. Кульман, 4; тэл. 226-74-37
Саюзьнікі і блёкі	«Народная кааліцыя 5+», БНФ, АГП, ПКБ
Ідэалёгія	нацыянал-дэмакратыя, сацыял-дэмакратыя
Колькасьць	1271 (2002)
Афіцыйны сайт	hramada.by

Па́ртыя «Белару́ская сацыя́л-дэмакраты́чная Грамада́» — палітычная партыя Беларусі.

Лідэрам партыі зьяўляецца Станіслаў Шушкевіч. Першы намесьнік старшыні БСДГ Віктар Сазонаў, старшыня Гарадзенскай філіі БСДГ. Кіруючы орган — Цэнтральная рада. З 1998 г. Анатоль Астапенка — намесьнік старшыні Цэнтральнай Рады Беларускай сацыял-дэмакратычнай Грамады (БСДГ). БСДГ знаходзіцца ў апазыцыі да рэжыму прэзыдэнта Аляксандра Лукашэнкі.

31 ліпеня 2023 году Беларуская сацыял-дэмакратычная Грамада была ліквідаваная Вярхоўным судом Беларусі^[2].

Мэты

Стварэньне гуманнага, дэмакратычнага грамадзтва на аснове шматукладнай эканомікі і разнастайнасьці партыйных структур; прававая і сацыяльная ахова чалавека працы; сьцьвярджэньне прынцыпаў свабоды асобы, сацыяльнай справядлівасьці і салідарнасьці^[3].

У праграме БСДГ, прынятай на 2-м зьезьдзе ў 1999 годзе, адзначана, што БСДГ — партыя правацэнтрысцкага тыпу. Яна не прытрымліваецца ўсталяванага сярод сацыял-дэмакратычных партыяў прынцыпу дзяржаўнага рэгуляваньня эканомікай, выступае за шматукладную эканоміку і ў першую чаргу — рынкавую. Другой рысай БСДГ — таксама традыцыйная прыкмета «правага» ўхілу — зьяўляецца тое, што вялікая роля ў праграме адводзіцца нацыянальнаму адраджэньню і ўмацаваньню дзяржаўнай незалежнасьці Беларусі.

Гісторыя

1991 — стварэньне Беларускай сацыял-дэмакратычнай Грамады, старшынём абраны Міхась Ткачоў.
2-3 сакавіка 1991 году ў Менску адбыўся Устаноўчы зьезд Беларускай Сацыял-Дэмакратычнай грамады^[4].
У 1992—1995 гг. лідэрам партыі быў Алег Трусаў.
1996 — Аб’яднаньне з Сацыял-дэмакратычнай партыяй Народнай згоды, стварэньне Беларускай сацыял-дэмакратычнай партыі (Народная Грамада) на чале з Мікалаем Статкевічам.
1998 — Узнаўленьне Беларускай сацыял-дэмакратычнай Грамады на чале з Станіславам Шушкевічам.
15 лютага 1998 — устаноўчы зьезд прыняты Статут БСДГ.
27 траўня 1998 — партыя зарэгістравана.
18 красавіка 1999 — другі зьезд прыняў новую рэдакцыю статуту.
30 жніўня 1999 — партыя прайшла перарэгістрацыю.
2018 — Станіслава Шушкевіча на пасадзе кіраўніка БСДГ зьмяніў бізнэсмэн Сяргей Чэрачань, былы сябра Камуністычнай партыі Беларусі^[5].
2020 — Лідэр партыі Сяргей Чэрачань быў кандыдатам у прэзыдэнцкія выбары ў Беларусі.

Глядзіце таксама

Крыніцы

^ http://eawarn.ru/pub/AnnualReport/AnnualReportWebHome2001/2001anrep23.htm
^ На сайте Минюста удалили из списка партию БСДГ
^ Міністэрства юстыцыі Рэспублікі Беларусь, Зьвесткі аб палітычных партыях, зарэгістраваных у Рэспубліцы Беларусь
^ Арлоў, Валянцін. Адраджэнне «Грамады» // Витебский курьер. — 1991. — № 13. — С. 3.
^ Станіслава Шушкевіча на пасадзе кіраўніка БСДГ змяніў бізнэсмэн Сяргей Чарачэнь // Наша ніва

Вонкавыя спасылкі

[1] ttp://eawarn.ru/pub/AnnualReport/AnnualReportWebHome2001/2001anrep23.htm

[2] На сайте Минюста удалили из списка партию БСДГ

[3] Міністэрства юстыцыі Рэспублікі Беларусь, Зьвесткі аб палітычных партыях, зарэгістраваных у Рэспубліцы Беларусь

[4] Арлоў, Валянцін. Адраджэнне «Грамады» // Витебский курьер. — 1991. — № 13. — С. 3.

[5] Станіслава Шушкевіча на пасадзе кіраўніка БСДГ змяніў бізнэсмэн Сяргей Чарачэнь // Наша ніва

[1]

[2]

[3]

[4]

[5]