Арцём Мікаян

Арцём Іванавіч Мікаян (па-армянску: Արտեմ Հովհաննեսի Միկոյան; імя пры нараджэньні Анушаван Аванэсавіч Мікаян (па-армянску: Անուշավան Հովհաննեսի Միկոյան); 23 ліпеня (5 жніўня) 1905, сяло Санаін, Тыфліская губэрня, Расейская імпэрыя — 9 сьнежня 1970, Масква, СССР) — савецкі авіяканструктар, генэрал-палкоўнік інжынэрна-тэхнічнай службы, кіраўнік АКБ-155.

Арцём Мікаян
Анушаван Аванэсавіч Мікаян
Род дзейнасьці	авіяканструктар
Дата нараджэньня	5 жніўня 1905
Месца нараджэньня	сяло Санаін, Тыфліская губэрня, Расейская імпэрыя
Дата сьмерці	9 сьнежня 1970 (65 гадоў)
Месца сьмерці	Масква, СССР
Месца пахаваньня	Новадзявочыя могілкі
Месца вучобы	Вайскова-паветраная інжынэрная акадэмія імя Жукоўскага[d]
Занятак	авіяканструктар, вынаходнік, палітык, вайсковец, лётчык
Навуковая сфэра	аэракасьмічная інжынэрыя[d]
Месца працы	Russian Aircraft Corporation MiG[d]
Узнагароды
Арцём Мікаян у Вікісховішчы

Акадэмік АН СССР (1968), двойчы Герой Сацыялістычнай Працы, шасьціразовы ляўрэат Сталінскай прэміі, ляўрэат Ленінскай прэміі (1962). Брат Анастаса Мікаяна. Чалец КПСС з 1925 году. Дэпутат Вярхоўнага Савету СССР 3—8 скліканьняў.

Жыцьцяпіс

Скончыў Ваенна-паветраную акадэмію імя М. Я. Жукоўскага ў 1936 годзе. З 1940 году галоўны канструктар досьледнага канструктарскага бюро па самалётабудаваньні, з 1956 году генэральны канструктар. З 1940 году пад кіраўніцтвам Мікаяна (разам зь Міхаілам Гурэвічам) спраектаваў зьнішчальнік МіГ-1, мадыфікаваны варыянт якога МіГ-3 шырока выкарыстоўваўся ў Вялікую Айчынную вайну. Стварыў шэраг звышгукавых зьнішчальнікаў, у тым ліку МіГ-21, МіГ-23, МіГ-29. На рэактыўным самалёце Е-266 яго канструкцыі зьдзейсьнена некалькі сусьветных рэкордаў.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Менск: БелЭн, 2000. — Т. 10: Малайзія — Мугаджары. — 544 с. — ISBN 985-11-0169-9