Антыб

	Антыб
	франц. Antibes
Герб Антыбу	Сьцяг Антыбу
Краіна:	Францыя
Рэгіён:	Праванс-Альпы-Лазурны бераг
Дэпартамэнт:	Прыморскія Альпы
Кіраўнік:	Жан Леанэцьці[d]
Плошча:	26,48 км²
Вышыня:	0 м н. у. м.
Насельніцтва (2013)
колькасьць:	75 456 чал.
шчыльнасьць:	2849,55 чал./км²
Часавы пас:	UTC+1
летні час:	UTC+2
Паштовы індэкс:	06160, 06600
Геаграфічныя каардынаты:	43°34′48″ пн. ш. 7°7′23″ у. д. / 43.58° пн. ш. 7.12306° у. д.Каардынаты: 43°34′48″ пн. ш. 7°7′23″ у. д. / 43.58° пн. ш. 7.12306° у. д.
	Антыб на мапе Францыі Антыб
	Галерэя здымкаў у Вікісховішчы
	http://www.antibes-juanlespins.com/

Антыб (па-француску: Antibes, па-аксытанску: Antíbol) — курортны горад на Лазурным Беразе, дэпартамэнт Прыморскія Альпы, рэгіён Праванс-Альпы-Лазурны бераг, Францыя. Насельніцтва — 75 456 жыхароў (2013). Разьмешчаны на мысе Гаруп Міжземнага мора паміж Каннамі і Ніццай. У Антыбе найвялікшы (паводле сумарнага танажу) яхтавы порт на Лазурным Беразе. Пабудаваны ён у шасьцідзясятыя гады XX стагодзьдзя на месцы рымскай гавані. Насамрэч гэта не адзін, а цэлых пяць партоў — Вобан, Галіс, Крутон, Аліўет, Саліс. Разам з мысам Антыб (па-француску: Cap d'Antibes) і мястэчкам Жуан-ле-Пэн (па-француску: Juan-les-Pins) складае адзіную адміністрацыйную адзінку.

Гісторыя

У VI стагодзьдзі да нашай эры грэцкія мараплаўцы выявілі ўтульную бухту і заснавалі на яе берагох горад Антыполіс (горад, разьмешчаны наадварот). Мелася на ўвазе — наадварот, праз бухту, ад Нікеі (Ніццы). Антыполіс быў заснаваны як калёнія Масаліі (цяперашні Марсэль). У часы Рымскай імпэрыі горад зьяўляўся важным пунктам на шляху з Рыму ў Галію. Ён доўгі час быў адзіным умацаваным горадам на ўзьбярэжжы ад Марсэлю да Італіі.

У II стагодзьдзі ў горадзе была заснаваная біскупская катэдра і ён стаў звацца Антыгуль, а з часам — Антыб. У Сярэднявеччы горад належыў Савоі, а з 1481 году — Францыі.

Эканоміка і транспарт

У Антыбе швартуюцца самыя выкшталцоныя яхты з тых, што падыходзяць да Лазурнага Берагу. Уладальнікі іх ня схільныя афішаваць сябе і сваю ўласнасьць.

У Антыбе існуе парфумэрная вытворчасьць. У горадзе захаваліся рэшткі рыбаперапрацоўчай прамысловасьці, але яна значна скарацілася за апошнія дзесяцігодзьдзі. У горадзе ёсьць чыгуначны вакзал.