Андрэй Разін

**Андрэй Разін**
	Андрэй Разін
Пэрсанальная інфармацыя
Нарадзіўся	12 жніўня 1979 (45 гадоў); Берасце, БССР, СССР;
Рост	176 см
Вага	71 кг
Пазыцыя	паўабаронца
Клюбы
Зборныя
Трэнэрскія клюбы
2019—2020	Менск

Андрэй Разін (нарадзіўся 12 жніўня 1979 году) — беларускі футбаліст і футбольны трэнэр, паўабаронца. З 2019 году зьяўляецца галоўным трэнэрам клюбу «Менск».

Кар’ера

Клюбная

Пачаў кар’еру ў берасьцейскім «Дынама», а пазьней перабраўся ў сталічнае «Дынама». Найлепшы сэзон згуляў у 2004 годзе, калі дапамог менчукам стаць чэмпіёнамі. У той год быў прызнаны найлепшым гульцом чэмпіянату. Пасьля гуляў у Швэцыі і Расеі. У 2009 годзе перабраўся ў «Менск», дзе стаў капітанам каманды. Гуляў на пазыцыі флянгавага паўабаронцы. Прывёў клюб да бронзавых мэдалёў чэмпіянату 2010 году і да перамогі ў Кубку Беларусі 2013 году.

У студзені 2014 году пакінуў «Менск»^[1]. Неўзабаве прыняў прапанову стаць гуляючым трэнэрам каманды «Менск-2»^[2], у складзе якой і распачаў сэзон 2014 году. Быў адным зь лідэраў каманды, аднак у студзені 2015 году «Менск-2» спыніў існаваньне, пасьля чаго Андрэй канчаткова перайшоў на трэнэрскую працу ў юнацкую каманду «Менску».

Міжнародная

У 2000—2001 гадах гуляў за моладзевую зборную Беларусі.

У якасьці трэнэра

У студзені 2016 году, пасьля таго як «Менск» ачоліў Георгі Кандрацьеў, Разін заняў пасаду трэнэра па навукова-мэтадычнай працы. У 2018 годзе займаў гэтую пасаду і ў штабе Аляксандра Лухвіча.

У студзені 2019 году быў прызначаны галоўным трэнэрам «Менску»^[3]. Пад кіраўніцтвам Разіна «Менск» заняў 9-е месца пры 16 удзельніках у чэмпіянаце Беларусі 2019 году. У сьнежні 2019 году падоўжыў кантракт з камандай^[4]. У жніўні 2020 году пасьля шэрагу няўдачаў пакінуў пасаду галоўнага трэнэра, аднак застаўся працаваць у структуры «Менску»^[5].

Дасягненьні

Чэмпіён Беларусі: 2004
Срэбраны прызэр чэмпіянату Беларусі: 2005
Бронзавы прызэр чэмпіянату Беларусі: 2000, 2010
Уладальнік Кубка Беларусі: 2013
Найлепшы футбаліст чэмпіянату Беларусі: 2004

Крыніцы

Вонкавыя спасылкі

Профіль на сайце «Менску» (рас.)
Статыстыка «ПБ-Инфо» (рас.)

[1] Андрей Разин ушел из «Минска» (рас.)

[2] Андрей Разин продолжит карьеру в качестве играющего тренера "Минска-2" (рас.)

[3] "Минск" назвал имя нового главного тренера (рас.)

[4] Разин остался у руля "Минска" (рас.)

[5] Скрипченко сменил Разина на посту главного тренера "Минска" (рас.)

[1]

[2]

[3]

[4]

[5]

Пэрсанальная інфармацыя
Андрэй Разін
Нарадзіўся	12 жніўня 1979(1979-08-12) (45 гадоў) Берасце, БССР, СССР
Рост	176 см
Вага	71 кг
Пазыцыя	паўабаронца
Клюбы
Гады	Клюб	Гульні (галы)¹
1997—1999	Дынама Берасьце	57 (13)
2000—2002	Дынама Менск	55 (6)
2003	Тарпэда Менск	25 (4)
2004—2005	Дынама Менск	45 (19)
2006	Анжы Махачкала	22 (0)
2006	Энчапінг^[d]	6 (0)
2007	Дарыда	11 (2)
2007—2008	Зорка Іркуцк^[d]	40 (5)
2009—2013	Менск	133 (34)
2014	Менск-2	23 (6)
Зборныя
2000—2001	Беларусь (да 21)	9 (0)
Трэнэрскія клюбы
2019—2020	Менск