Андрыс Бэрзіньш
Андрыс Бэрзіньш (па-латыску: Andris Berzins; нарадзіўся 10 сьнежня 1944 году, Нітаўрэ) — латвійскі дзяржаўны і палітычны дзеяч. Прэзыдэнт Латвіі (2011—2015). Прадпрымальнік. Мільянэр.
| Андрыс Бэрзіньш | |
.jpg) | |
| 8-ы прэзыдэнт Латвіі | |
|---|---|
| 8 ліпеня 2011 — 8 ліпеня 2015 | |
| Папярэднік: | Валдзіс Затлэрс |
| Наступнік: | Раймандс Вэёніс |
| Асабістыя зьвесткі | |
| Нарадзіўся: |
10 сьнежня 1944 (78 гадоў) Нітаўрэ, Нітаўрская воласьць, Рыскі павет, Латвійская ССР, СССР |
| Партыя: |
КПСС Саюз зялёных і хрысьціянаў |
| Сужэнец: | Дацэ Сэйсума[d] |
| Адукацыя: |
Рыскі тэхнічны інстытут Латыскі дзяржаўны ўнівэрсытэт |
| Узнагароды: |
             |
Біяграфія Рэдагаваць
Адукацыя Рэдагаваць
У 1958 годзе — скончыў Нітаўрскую сярэднюю школу. У 1971 годзе — скончыў Рыскі політэхнічны інстытут па спэцыяльнасьці «радыёінжынэр». У 1988 годзе — скончыў Латвійскі дзяржаўны ўнівэрсытэт па спэцыяльнасьці «плянаваньне прамысловасьці».
Кар’ера ў савецкі пэрыяд Рэдагаваць
З 1970 году — інжынэр, пасьля — дырэктар прадпрыемства «Электрон». Быў у КПСС[2].
З 1988 году — намесьнік Міністра побытавых паслугаў Латвійскае ССР. Узначальваў Раду народных дэпутатаў і выканаўчы камітэт Вальміерскага раёну. У 1990 годзе быў абраны ў Вярхоўную раду Латвіі, працаваў у фракцыі Народнага фронту Латвіі. 4 траўня 1990 году галасаваў за аднаўленьне незалежнасьці.
Кар’ера ў незалежнай Латвіі Рэдагаваць
У 1993 годзе ўзначаліў фонд прыватызацыі пры Банку Латвіі. У 1993—2004 гадах — прэзыдэнт АТ Latvijas Unibanka. Са сьнежня 2006 году па красавік 2009 году — старшыня рады Latvenergo. У 2006—2010 гадах на грамадзкіх пачатках працаваў прэзыдэнтам Гандлёва-прамысловае палаты.
Працаваў дараднікам прэзыдэнта Skandinaviska Enskilda Bank, AS Unibanka[3]
Пасьля сыходу на пэнсію Бэрзіньш вярнуўся ў актыўную палітыку. У 2005 годзе ён стаў кандыдатам у дэпутаты думы Рыгі ад Саюзу зялёных і сялянаў (СЗС)[4]. З 2 лістапада 2010 году — дэпутат Сойму Латвіі 10-га скліканьня і сябра фракцыі СЗС. З 4 лістапада 2010 году — чалец, а з 8 лістапада — старшыня камітэта па эканамічнай, сельскагаспадарчай, экаляґічнай і рэґіянальнай палітыцы Сойму. З 4 лістапада 2010 году — чалец Камісіі па запытах Сойму. З 17 сакавіка 2011 году па 25 траўня 2011 году — чалец Парлямэнцкай камісіі па расьсьледаваньні ў сувязі зь меркаванаю незаконнаю дзейнасьцю па паглынаньні і рэструктурызацыі АТ Parex Bank.
Дзейнасьць падчас прэзыдэнцкай гонкі Рэдагаваць
2 чэрвеня 2011 году ўдзельнічаў у прэзыдэнцкіх выбарах і атрымаў у другім туры перамогу, набраўшы 53 дэпутацкія галасы супраць 43, пададзеных за Затлэрса[5]. Афіцыйна ўступіў на пасаду 8 ліпеня 2011 году[6][7].
Узнагароды Рэдагаваць
- Ланцуг ордэну Трох зорак (2011 год)[8][9]
- Вялікі крыж ордэну Віестура (2011 год)[8][9]
- Крыж Прызнаньня (2011 год)[8][9]
Крыніцы Рэдагаваць
- ^ https://enciklopedija.lv/skirklis/137257-Andris-B%C4%93rzi%C5%86%C5%A1
- ^ Юры Аляксееў Лёс прэзыдэнта DELFI
- ^ Rigas Dome. Zalo un Zemnieku savieniba. Andris Berzins(лат.)
- ^ Сьпіс СЗС на выбарах у Рыжскую думу ў 2005 г.(лат.)
- ^ Латвію ўзначаліў дужы гаспадарнік
- ^ Прэзыдэнтам Латвіі стаў Андрыс Бэрзіньш.
- ^ Экс-банкір, мультымільянер Бэрзіньш стаў кіраўніком Латвіі
- ^ а б в і 3 ст.У Латвіі новы Прэзыдэнт уступіў у пасаду
- ^ а б в Які ўступаў у пасаду прэзыдэнта Латвіі ўзнагародзяць ордэнам
Літаратура Рэдагаваць
- Лата Лапса, «Латыш звычайны», 2011 г.
Вонкавыя спасылкі Рэдагаваць
Андрыс Бэрзіньш — сховішча мультымэдыйных матэрыялаў
- Дадзеныя пра Бэрзіньша як дэпутаце Вярхоўнай Рады, кандыдаце ў 10-й Сойм і дэпутаце 10-го Сойма
- Andris Berzins — newly elected president of Latvia(анг.)