Аляксандар Вучыч
Аляксандар Вучыч (па-сэрбску: Александар Вучић; нарадзіўся 5 сакавіка 1970 году, Бялград) — сэрбскі палітык, прэзыдэнт Сэрбіі з 2017 году. Да гэтага прэм’ер-міністар, генэральны сакратар нацыянальнага савету па бясьпецы, старшыня ўраду Сэрбіі, старшыня Сэрбскай прагрэсіўнай партыі. Былы міністар абароны Сэрбіі. На працягу чатырнаццаці гадоў зьяўляўся генэральным сакратаром Сэрбскай радыкальнай партыі.
| Аляксандар Вучыч | |
.jpg) | |
| з 31 траўня 2017 | |
| Папярэднік | Томіслаў Нікаліч |
| Асабістыя зьвесткі | |
| Нарадзіўся: |
5 сакавіка 1970[1][2] (53 гады) |
| Партыя: | |
| Сужэнец: | Тамара Вучыч[d] |
| Адукацыя: | |
| Узнагароды: | |
Жыцьцяпіс Рэдагаваць
Нарадзіўся 5 сакавіка 1970 году ў Бялградзе, у сям’і Ангеліны і Анджэлка Вучычаў. Скончыў юрыдычны факультэт Бялградзкага ўнівэрсытэту. У 1993 годзе стаў сябрам Сэрбскай радыкальнай партыі. Пасьля перамогі радыкалаў на мясцовых выбарах у Зэмуне ў 1996 годзе, заняў пост дырэктара спартыўнага бізнэс-цэнтру «Пінк».
Пасьля пазапарлямэнцкіх выбараў 2014 году Прагрэсіўная партыя атрымала 158 з 250 месцаў у парлямэнце і сфармавала кіруючую кааліцыю з Сацыялістычнай партыяй Сэрбіі. Вучыч быў абраны прэм’ер-міністрам Сэрбіі.
У жніўні 2016 году заявіў, што на той момант адзіным разьвязаньнем косаўскай праблемы было б прызнаньне Сэрбіяй незалежнасьці Рэспублікі Косава, але гэта немагчыма і гэтага ня будзе[3].
2 красавіка 2017 году перамог на прэзыдэнцкіх выбарах у Сэрбіі. 30 траўня 2017 году падаў заяву аб сыходзе з пасады старшыні ўраду. Інагурацыя адбылася 31 траўня[4]. 17 студзеня 2023 году заганіў спробу залучэньня расейскім вайсковым прадпрыемствам «Вагнэр» сэрбаў праз сацыяльную сетку «Ў кантакце» для ўдзелу ў расейскім уварваньні ва Ўкраіну. Аляксандар Вучыч адзначыў: «Чаму вы, з „Вагнэра“, клічаце кагосьці з Сэрбіі, калі ведаеце, што гэта супярэчыць нашым правілам?» Пры гэтым Вучыч адмовіў у законнасьці дзейнасьці «Вагнэра» ў Сэрбіі, бо заканадаўства Сэрбіі забараняе ўдзел сваіх грамадзян у канфліктах за мяжой[5].
Жанаты, мае дваіх дзяцей.
Крыніцы Рэдагаваць
- ^ а б Aleksandar Vučić // Энцыкляпэдыя Бракгаўза (ням.) / Hrsg.: Bibliographisches Institut & F. A. Brockhaus, Wissen Media Verlag
- ^ а б Aleksandar Vucic // Munzinger Personen (ням.)
- ^ Александр Вучич: Сейчас единственным решением было бы признание независимости Косово
- ^ Александр Вучич объявил о победе на выборах президента Сербии — Российская газета
- ^ Прэзыдэнт Сэрбіі Вучыч заклікаў Расею спыніць вярбоўку сэрбаў на вайну супраць Украіны // Беларуская служба Радыё «Свабода», 17 студзеня 2023 г. Праверана 19 студзеня 2023 г.
Вонкавыя спасылкі Рэдагаваць
| Вікіцытатнік зьмяшчае збор цытатаў, датычных тэмы артыкула: |
Аляксандар Вучыч — сховішча мультымэдыйных матэрыялаў