Абалянка (рака)

Абаля́нка — рака ў Беларусі, левы прыток ракі Лучосы (басэйн Дзьвіны). Цячэ ў Талачынскім і Сеньненскім раёнах Віцебскай вобласьці. Даўжыня 89 км. Плошча вадазбору 809 км². Выдатак вады ў вусьці 5 м³/с, на вясну прыпадае 70 % гадавога сьцёку. Сярэдні нахіл воднай паверхні 0,9 ‰.

Рака

Абалянка лац. Abalanka
Агульныя зьвесткі
Выток	каля в. Данілкава
Вусьце	Лучоса
Краіны басэйну	Беларусь
Вобласьці	Талачынскі раён і Сеньненскі раён
Даўжыня	89 км
Сярэднегадавы сьцёк	5 м³/с
Плошча басэйну	809 км²
Нахіл воднай паверхні	0,9 ‰
Галерэя здымкаў у Вікісховішчы

На рацэ стаіць гістарычнае мястэчка Абольцы.

Асноўныя прытокі

• Правыя: Нерайшанка, Чудзінка
• Левыя: Камянчанка, Субота

Агульныя зьвесткі

Пачынаецца на паўднёвым захадзе ад вёскі Данілкава ў Талачынскім раёне на Аршанскім узвышшы, цячэ Чашніцкай раўнінай у Сеньненскім раёне, у ніжняй плыні — на мяжы зь Віцебскім раёнам Лучоскай нізінай.

Даліна трапэцападобная, шырыня 0,6—0,8 км, у ніжняй плыні да 2 км. Абалона двухбаковая, шырыня 0,2—0,3 км, вышэй за вёску Дубаўцы каля 0,5 км. Рэчышча зьвілістае, шырыня ў межань 5—10 м.

Найбольшае возера — Кічына. Усе буйныя прытокі, апрача Нерайшанкі, каналізаваныя. Каля вёскі Ўтрылава Талачынскага раёну на рацэ плаціна і Ўтрылаўская сажалка плошчай 27 га.

На тэрыторыі вадазбору пад ворывам 35 %; лясы (21 %) мяшаныя, пашыраныя ў сярэдняй плыні.

Літаратура

• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 28.
• Энцыклапедыя прыроды Беларусі: у 5 т. Т. 1: Ааліты ― Гасцінец / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 574 с.: іл. С. 16.
• Природа Белоруссии: Попул. энцикл. / БелСЭ; Рэдкол.: И. П. Шамякин (гл.рэд.) и др. — Мн.: БелСЭ, 1986. — 599 с., 40 л. ил.
• Рэсурсы поверхностных вод СССР. Описание рэк и озёр и расчёты основных харакцеристик их рэжима. Т. 5. Белоруссия и Верхнее Поднепровье. Ч. 1—2. — Л., 1971