Ільля Чарняк
Ільля́ Чарня́к (нар. 19 траўня 2002 году) — беларускі футбаліст, нападнік берасьцейскага «Дынама».
| Ільля Чарняк | ||
| Пэрсанальная інфармацыя | ||
|---|---|---|
| Нарадзіўся | 19 траўня 2002[1] (22 гады) | |
| Рост | 183 см[2] | |
| Вага | 75 кг[2] | |
| Пазыцыя | нападнік, паўабаронца | |
| Клюбная інфармацыя | ||
| Клюб | Дынама Берасьце | |
| Нумар | 10 | |
| Клюбы | ||
| Гады | Клюб | Гульні (галы)¹ |
| 2020—2022 | Шахцёр Салігорск | 26 (7) |
| 2023 | Ахмат Грозны | 2 (0) |
| 2023 | Касьпі | 8 (1) |
| 2024 | Дынама Менск | 4 (0) |
| 2024— | Дынама Берасьце | 10 (1) |
| Зборныя | ||
| 2022— | Беларусь (да 21) | 6 (0) |
| 2024— | Беларусь | 1 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьКлюбная
рэдагавацьВыхаванец гомельскай СДЮШАР-8. У 2019 годзе выступаў за дубль «Гомля», дзе хутка замацаваўся ў складзе. Таксама некаторы час гуляў у футале за БЧ, дзе стаў наймаладзейшым гульцом і аўтарам голу ў гісторыі клюбу[3]. У 2020 годзе перабраўся ў салігорскі «Шахцёр», дзе таксама гуляў за дубль, часам прыцягваўся да асноўнай каманды.
У лютым 2021 году быў аддадзены ў арэнду ў заграбскае «Дынама-2»[4]. У студзені 2022 году па заканчэньні арэнды вярнуўся ў «Шахцёр»[5] і стаў рыхтавацца да сэзону з асноўнай камандай салігорцаў. 16 красавіка 2022 году дэбютаваў у Найвышэйшай лізе, адгуляўшы першы тайм у матчы супраць барысаўскага БАТЭ (0:1). У далейшым працягваў рэгулярна зьяўляцца ў пачатковым складзе каманды. У лютым 2023 году пакінуў «Шахцёр»[6] і хутка стаў гульцом расейскага «Ахмату»[7]. Па заканчэньні сэзону ў чэрвені 2023 году пакінуў клюб[8]. У ліпені 2023 году далучыўся да казаскага «Касьпію»[9], які пакінуў у лістападзе 2023 году пасьля таго, як клюб страціў месца ў Прэм’ер-лізе[10]. У студзені 2024 году ўзгадніў кантракт зь менскім «Дынама»[11]. У сталічным клюбе гуляў толькі на пачатку сэзону, пасьля чаго ў пэўны час страціў месца нават у заяўцы. Улетку на згоду бакоў скасаваў кантракт з клюбам, пасьля чаго ўзгадніў ўмовы кантракту зь берасьцейскім «Дынама»[12].
Міжнародная
рэдагаваць21 верасьня 2022 году дэбютаваў у моладзевай зборнай Беларусі, калі выйшаў у першай адзінаццатцы ў таварыскім матчы супраць зборнай Расеі (1:6) і быў заменены ў другім тайме.
Крыніцы
рэдагаваць- ^ а б в https://www.fcshakhter.by/player.asp?id=Ilja-Chernjak-240&season=2022MEN
- ^ а б в г д е https://dinamo-minsk.by/blr/asnouny-sklad/2024/illya-charnyak
- ^ Играл за юношескую сборную по "минику", не подошел академии БФФ, сын футболиста. Кто такой Илья Черняк? (рас.)
- ^ "Шахтер" отдал нападающего в аренду загребскому "Динамо-2" (рас.)
- ^ Футбол. Нападающий Черняк вернулся в "Шахтер" из аренды в загребском "Динамо" (рас.)
- ^ "Шахтер" сообщил об уходе Черняка (рас.)
- ^ Илья Черняк заключил контракт с российским "Ахматом" (рас.)
- ^ "Ахмат" объявил о расставании с Черняком (рас.)
- ^ Илья Черняк перешел в "Каспий" (рас.)
- ^ Илья Черняк покинул "Каспий" (рас.)
- ^ Минское "Динамо" объявило о первом новичке в 2024 году (рас.)
- ^ Черняк подписал контракт с брестским "Динамо" (рас.)
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль (анг.) на Transfermarkt
- Профіль (анг.) на Soccerway