Ігар Халадкоў
Ігар Халадкоў (нар. 19 красавіка 1991 году) — колішні беларускі футбаліст, нападнік.
| Ігар Халадкоў | ||
| Пэрсанальная інфармацыя | ||
|---|---|---|
| Нарадзіўся | 19 красавіка 1991[1] (33 гады) | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2009—2011 | Віцебск | 17 (4) |
| 2012—2013 | Полацак | 38 (10) |
| 2013 | Віцебск | 15 (1) |
| 2014 | Віцебск-2[d] | 9 (2) |
| 2014—2016 | Слонім-2017 | 61 (8) |
| 2017 | Смаргонь | 13 (0) |
| 2017—2018 | Нафтан | 40 (2) |
| 2019 | Слонім-2017 | 10 (1) |
Кар’ера
рэдагавацьЗ 2007 году пачаў выступаў за дубль «Віцебску». У 2009 годзе пачаў трапляць у склад асноўнай каманды паўночнікаў. Пасьля вылету «Віцебску» з Найвышэйшай лігі паводле вынікаў сэзону 2011 году гулец далучыўся да «Полацку», дзе быў асноўным нападнікам. Улетку 2013 году зь фінансавых чыньнікаў полацкага клюбу разам з большасьцю іншых гульцоў пакінуў каманду і вярнуўся ў «Віцебск». У першай палове 2014 году, страціўшы месца ў асноўнай камандзе, выступаў за фарм-клюб «Віцебск-2», а ўлетку прыяднаўся да першалігавага «Слоніму», дзе цягам двух з паловай гадоў быў адным з асноўных гульцоў. У пачатку 2017 году накіраваўся на прагляд у «Смаргонь», і ў сакавіку ўзгодніў працоўную дамову з клюбам, аднак ужо ў ліпені таго ж году пакінуў каманду.
Зь ліпеня 2017 году выступаў за наваполацкі «Нафтан»[2], дзе быў адным з асноўных нападнікаў. Застаўся ў камандзе і пасьля ейнага вылету з Найвышэйшай лігі паводле вынікаў сэзону 2017 году. У канцы 2018 году пакінуў наваполацкі клюб. У чэрвені 2019 году вярнуўся ў «Слонім-2017»[3], аднак ужо ў кастрычніку таго ж году датэрмінова пакінуў каманду[4].
У студзені 2020 году быў дыскваліфікаваны на год паводле справы аб дагаварных матчах[5]. У ліпені 2020 года па выніках крымінальнай справы быў прысуджаны да 1 года выпраўленчых работ[6].
Міжнародная
рэдагавацьУ кастрычніку 2009 году ў складзе зборнай Беларусі (да 19 гадоў) браў удзел у кваліфікацыйным раўндзе чэмпіянату Эўропы.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Смаргонь | 2017 | Першая ліга | 13 | 0 |
| Нафтан | Найвышэйшая ліга | 14 | 1 | |
| 2018 | Першая ліга | 26 | 1 | |
Крыніцы
рэдагаваць- ^ а б в Igor Kholodkov // Transfermarkt (мн.) — 2000.
- ^ Костюкевич в погоне за Рыжченко (рас.)
- ^ Холодков подписал контракт со «Слонимом-2017» (рас.)
- ^ "Слоним-2017" решил расстаться с Холодковым и Жуковым (рас.)
- ^ Футбол. "Дело о договорняках". Алексей Сучков и Валерий Белявский пожизненно отлучены от белорусского футбола Праверана 30 чэрвеня 2021 г. Архіўная копія ад 29 лістапада 2021 г.
- ^ Оглашены приговоры участникам дела о договорных матчах. Алексея Козлова взяли под стражу в зале суда
Вонкавыя спасылкі
рэдагаваць- Статыстыка «ПБ-Инфо» (рас.)