Ігар Кастэнка
І́гар І́гаравіч Кастэ́нка (па-ўкраінску: І́гор І́горович Косте́нко; 31 сьнежня 1991, Зубрэц — 20 лютага 2014, Кіеў) — украінскі журналіст, студэнт-географ, актывіст Эўрамайдану, украінскі вікіпэдыст. Загінуў падчас супрацьстаяньня на вуліцы Інстытуцкай. Герой Украіны.
Ігар Кастэнка | |
| І́гор Косте́нко | |
 | |
| Род дзейнасьці | журналіст, студэнт-географ |
|---|---|
| Дата нараджэньня | 31 сьнежня 1991 |
| Месца нараджэньня | Зубрэц |
| Дата сьмерці | 20 лютага 2014 |
| Месца сьмерці | Кіеў |
| Прычына сьмерці | агнястрэльная рана[d] |
| Грамадзянства |  Украіна
|
| Месца вучобы | |
| Занятак | журналіст, вікімэдыст, актывіст |
| Узнагароды |  |
Жыцьцяпіс
рэдагавацьНарадзіўся ў вёсцы Зубрэц Бучацкага раёну Тарнопальскай вобласьці. Бацькі хлопца былі на заробках у Санкт-Пецярбургу, таму хлопец рос з бабуляю і дзядуляю[1].
Творчасьць
рэдагавацьПрацаваў журналістам інтэрнэт-выданьня «Спортаналітика»[2]. Быў ініцыятарам стварэньня ўкраінскамоўнага спартовага інтэрнэт-выданьня allsport24.com, зьяўленьне якога затрымалася праз занятасьць Ігара ды іншую яго творчасьць на Эўрамайдане, і які быў цалкам запушчаны ўжо пасьля яго сьмерці[3].
Быў актыўным рэдактарам украінскай Вікіпэдыі[4] (пісаў пад нікам Ig2000). За два з паловаю гады ўдзелу стварыў больш 280 артыкулаў, зрабіў больш за 1600 рэдагаваньняў. Адзін з напісаных артыкулаў атрымаў статус «добры». Таксама прымаў удзел у прасоўваньні Вікіпэдыі ў сацыяльных сетках, праз якія намагаўся прыцягнуць новых удзельнікаў[5].
Займаўся спортам, акрамя футболу, быў заўзятарам львоўскіх «Карпат»[6]. Марыў пра сям’ю, хацеў заснаваць сваю электрастанцыю[7].
На Майдане
рэдагавацьЗь першых дзён прымаў актыўны ўдзел ў падзеях Эўрамайдану, неаднаразова езьдзіў у Кіеў. Быў там у ноч на 30 лістапада 2013 году, калі студэнтаў жорстка разагнаў «Бэркут». Апошні раз паехаў на кіеўскую плошчу ўвечары 18 лютага 2014 году, і разам зь іншымі пачаў дапамагаць адбудоўваць барыкады.
Сьмерць
рэдагаваць
Ранкам 20 лютага Ігара забілі падчас супрацьстаяньня. Яго цела знайшлі каля Кастрычніцкага палацу на вуліцы Інстытуцкай. У Ігара патрапіла дзьве кулі: адна — у галаву, а другая — у грудзі[8]. Акрамя гэтага ў яго былі пераламаныя ногі[9].
Глядзіце таксама
рэдагавацьКрыніцы
рэдагаваць- ^ Львів у жалобі: слава Героям і вічная їм пам’ять! // Львівська пошта, 22.02.2014
- ^ Ігор Костенко. Журналіст «Спортаналітика» героїчно загинув. Вічна пам’ять
- ^ Мрія здійснилася! — allsport24.com
- ^ На географічному факультеті був одним з найкращих // Високий замок, 22.02.2014
- ^ На Майдані загинув вікіпедист Ігор Костенко // Блог Вікімедіа, 24.02.2014.
- ^ Вічна слава Герою!// Географічний факультет ЛНУ (оригінал)
- ^ Игорь был одним из лучших студентов факультета, писал статьи об экономике и истории авиации, в том числе и для «Википедии» // Вести, 21.02.2014 (рас.)
- ^ Двоє львів’ян — студент та викладач — загинули сьогодні в Києві // Gazeta.ua, 20.02.2014
- ^ Серед вбитих сьогодні упізнали львівського журналіста Ігоря Костенка (оновлено) // Інститут масової інформації, 20.02.2014
| Гэта — накід артыкула. Вы можаце дапамагчы Вікіпэдыі, пашырыўшы яго. |