MP-40

MP-40 (ням. Maschinenpistole 40) — пісталет-кулямёт, распрацаваны Гайнрыхам Фольмэрам, ужываўся ва ўзброеных сілах Нямеччыны падчас Другой сусьветнай вайны.

MP-40
MP-40
Тып	пісталет-кулямёт
Краіна паходжаньня	Трэці Райх
Гісторыя выкарыстаньня
Пэрыяд выкарыстаньня	1939—1945 гады
Выкарыстаньне	Гл. карыстальнікаў
Войны	Другая сусьветная, Халодная вайна (абмежавана)
Гісторыя вытворчасьці
Канструктар	Гайнрых Фольмэр
Дата стварэньня	1938
Вытворца	Erma Werke
Вытворчасьць	1940—1945
Адзінак створана	Прыбл. 1 мільён
Мадыфікацыі	MP 36, MP 38, MP 40, MP 40/1, MP 41
Характарыстыкі
Вага	4 кг (з 32 патронамі — 5 кг)
Даўжыня	833 мм з раскладзеным прыкладам / 630 мм са складзеным
Даўжыня ствала	251 мм
Патрон	9x19мм Парабэлум
Прынцып дзеяньня	Вольны затвор, свабодны замок
Хуткастрэльнасьць	450—500 выстр./хв.
Пачатковая хуткасьць кулі:	~380 м/c
Прыцэльная далёкасьць	100 м
Найбольшая далёкасьць	120 м (эфэктыўная)
Від боясілкаваньня	здымны магазын на 32 патроны
Прыцэл	нерэгуляваны адкрыты на 100 м, з адкідной стойкай на 200 м

Канструкцыя

Пехацінец Вэрмахту з МР40

Аўтаматыка MP-40 працуе па прынцыпе аддачы вольнага затвору. Замыканьне канала ствала вырабляецца масіўным затворам, які падпіраецца зваротна-баявой спружынай. За кошт адносна вялікай масы рухомых дэталяў і наяўнасьці пнэўматычнага дэмпфэру пісталет-кулямёт мае адносна нізкі тэмп стральбы, што спрыяльна адбіваецца на трапнасьці.

Пісталет-кулямёт мае ўдарны мэханізм ударнікавага тыпу. Просты па канструкцыі спускавы мэханізм забясьпечвае вядзеньне толькі бесьперапыннага агню, аднак дзякуючы нізкаму тэмпу стральбы добра навучаныя стралкі здольныя весьці агонь і адзінкавымі пострэламі.

Адмысловы засьцерагальнік у пісталета-кулямёта адсутнічае. Яго ролю выконвае выраз для дзяржальні зараджаньня на левым баку ў пазе затворнай скрынкі.

Выкарыстаньне

• Аўстрыя
• Баўгарыя
• Вялікабрытанія
• Нарвэгія
• Трэці Райх
• Харватыя
• Швайцарыя