Юлія Хіраска

Юлія Ўладзімераўна Хіра́ска (14 траўня 1906, вёска Вомельна, Пухавіцкі раён, Менская вобласьць — 26 кастрычніка 1985) — беларуская артыстка балету.

Юлія Хіраска
Дата нараджэньня	14 траўня 1906(1906-05-14)
Месца нараджэньня	Вомельна, Ігуменскі павет, Менская губэрня, Расейская імпэрыя
Дата сьмерці	26 кастрычніка 1985(1985-10-26) (79 гадоў)
Занятак	артыст балета
Месца працы	Нацыянальны акадэмічны Вялікі тэатар опэры і балету Нацыянальны акадэмічны тэатар імя Янкі Купалы Дзяржаўная эстрада Беларусі[d]
Бацька	Уладзімер Хіраска[d]
Узнагароды

Жыцьцяпіс

Уладзімер Хіраска з сям'ёй. Юлія на пярэднім пляне з братам Віктарам. 1900-я

Дачка сьвятара Уладзімера Хіраскі.

Вучылася ў прыватнай харэаграфічнай студыі К. Алексютовіча ў 1921—1925 гадах. З 1921 году артыстка балета БДТ-1, з 1930 году салістка Дзяржаўнай эстрады, у 1933—1959 гадах — Дзяржаўнага тэатру опэры і балету Беларусі.

Падчас вайны працавала ў канцэртных брыгадах Паўночна-Заходняга і Калінінскага франтоў. Мэдалі «За доблесную працу ў ВАВ 1941–1945 гг.» і «За перамогу над Нямеччынай у ВАВ 1941–1945 гг.»

Жонка сьпевака І. Балоціна

Творчасьць

Танцоўшчыца характарнага пляну. У складзе творчых брыгад удзельнічала ў пастаноўцы балетаў «Салавей» М. Крошнэру, «Палымяныя сэрцы» В. Залатарова. Сярод партый: Хмара («Князь-возера» Залатарова), Тао Хоа («Чырвоны мак» Р. Гліэра), Чага («Князь Ігар» А. Барадзіна), Сяброўка («Капелія» Л. Дэліба), а таксама характарныя танцы ў балетах «Раймонда» А. Глазунова, «Канёк-Гарбунок» Цэзар Пуні, «Арлекінада» Р. Дрыга).

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 2003. — Т. 17: Хвінявічы — Шчытні. — 512 с. — ISBN 985-11-0279-2