Эма Стоўн
Э́ма Стоўн (па-ангельску: Emma Stone; нарадзілася 6 лістапада 1988 году) — амэрыканская акторка. Ляўрэатка некалькіх узнагародаў, у тым ліку «Оскар», BAFTA і «Залаты Глёбус». Стала самай высокааплатнай акторкай у сьвеце ў 2017 годзе. Часопіс Time уключыў яе ў сьпіс 100 самых уплывовых людзей у сьвеце.
Эма Стоўн | |
| па-ангельску: Emily Stone | |
.jpg) | |
| Дата нараджэньня | 6 лістапада 1988 (36 гадоў) |
|---|---|
| Месца нараджэньня | |
| Месца вучобы | |
| Занятак | кінаакторка, тэлеактор, тэатральная акторка, акторка агучваньня, акторка, кінапрадусарка |
| Маці | Krista Jean Stone[d] |
| Дзеці | Луіза Макэры[d] |
| Узнагароды | прэмія «Залаты Глёбус» за найлепшую жаночую ролю — камэдыя альбо м’юзыкал[d] (2017)
 прэмія BAFTA за найлепшую галоўную жаночую ролю[d] (2017) прэмія «Залаты Глёбус» за найлепшую жаночую ролю — камэдыя альбо м’юзыкал[d] (2023) кубак Вольпі за найлепшую жаночую ролю[d] прэмія BAFTA за найлепшую жаночую ролю другога пляну[d] Залаты Глёбус найлепшай акторцы[d] прэмія BAFTA за найлепшую галоўную жаночую ролю[d] (2024) |
| IMDb | ID nm1297015 |
| Подпіс | 
|
Біяграфія
рэдагавацьНарадзілся і вырасла ў Скотсдэйле, штат Арызона. Стоўн пачала здымацца яшчэ ў дзяцінстве, як то ў тэатральнай пастаноўцы «Вецер у вербах» у 2000 годзе. У падлеткавым узросьце яна пераехала ў Лос-Анджэлес разам са сваёй маці і дэбютавала на тэлебачаньні ў фільме «У пошуках новай сям’і Партрыдж» (2004), рэаліці-шоў, які аднак ня меў посьпеху. Пасьля невялікіх роляў на тэлебачаньні дэбютавала ў кіно ў фільме «Супэрперцы» (2007), а затым атрымала станоўчыя водгукі і ўвагу СМІ за ролю ў кінастужцы «Зомбілэнд» (2009). Першую галоўную ролю атрымала ў камэдыя для падлеткаў «Лёгкадумная выдатніца» (2010)[1][2]. Стоўн прачытала сцэнар фільму да таго, як праект быў абраны да вытворчасьці, і працягвала сачыць за ім пакуль дэталі не былі дапрацаваныя. На ейную думку, сцэнар быў вельмі іншым і непаўторным у параўнаньні з тым, што яна чытала раней. Таксама акторка адзначыла, што фільм ёсьць сьмешным і мілосным. Калі Стоўн выявіла, што вытворчасьць фільму пачалася, яна сустрэлася з рэжысэрам фільму Ўілам Глакам, выказаўшы сваё захапленьне праектам. Празь некалькі месяцаў пачаўся працэс праслухоўваньня, і яна зноўку сустрэлася з Глакам, стаўшы адной зь першых акторак, якія прайшлі праслухоўваньне[3]. Фільм атрымаў станоўчыя крытычныя водгукі, і роля лічылася галоўным актывам Стоўна таго часу[4]. Менавіта за ролю ў гэтым фільме атрымала намінацыі на ўзнагароду BAFTA і «Залаты Глёбус» у катэгорыі ўзыходзячая зорка. Далей рушылі іншыя пасьпяховыя ролі, як то ў рамантычнай камэдыі «Гэтае бязглуздае каханьне» (2011) і драме «Абслуга» (2011).
Шырэйшае прызнаньне Стоўн атрымала дзякуючы выкананьню ролі Гўэн Стэйсі ў супэргеройскім фільме 2012 году «Новы чалавек-павук» і ягоным працягу «Новы чалавек-павук: Высокая напруга» ў 2014 годзе. Стоўн была намінаваная на прэмію «Оскар» за найлепшую жаночую ролю другога пляну за ролю наркаманкі, якая стала на шлях лячэньня ад сваёй залежнасьці, у чорнай камэдыі «Бэрдмэн» (2014), а ейны дэбют на Брадўэі адбыўся ў пастаноўцы м’юзыкла «Кабарэ» ў 2014 годзе. За ролю пачатковай акторкі ў рамантычным м’юзыкле «Ла-Ла Лэнд» (2016) Стоўн атрымала прэмію «Оскар» за найлепшую жаночую ролю. Акторка зьнялася ў ролі Білі Джын Кінг у біяграфічным спартовым фільме «Бітва плоцяў» (2017) і выканала ролю Эбігейл Мэшам у гістарычнай драматычнай камэдыі «Фаварытка» (2018), атрымаўшы трэцюю намінацыю на прэмію «Оскар» за кар’еру. З тых часоў яна зьнялася ў міні-сэрыяле жанру чорная камэдыя кампаніі Netflix «Маньяк» (2018), а таксама выканала ролю працягу сэрыі фільмаў пра зомбі «Зомбілэнд: Кантрольны стрэл» (2019).
У 2021 годзе Стоўн сыграла Круэлу дэ Віль у крымінальнай камэдыі Крэйга Гілесьпі «Круэла». Гэты фільм Дыснэй быў заснаваны на анімацыйным творы 1961 году «Сто адзін далмацін». У папярэдніх экранізацыях ролю гэтага пэрсанажу выконвала Глен Клоўз. У 2020 годзе Стоўн і ейны муж Дэйв Макэры стварылі прадусэрскую кампанію Фрут-Тры[5]. Іхным першым праектам стаў незалежны фільм «Калі ты скончыш ратаваць сьвет», які стаў рэжысэрскім дэбютам Джэсі Айзэнбэрга[6]. У 2023 годзе акторка зьявілася ў кінастужцы «Небаракі»[7], навукова-фантастычным фільме аб сталеньні, заснаваны на аднайменным рамане Аласдэра Грэя[8]. Дзякуючы гэтай ролі Стоўн здабыла свой чарговы «Залаты Глёбус».
Крыніцы
рэдагаваць- ^ «Emma Stone». Now.
- ^ «Emma Stone On 'Obsessing' Over Her Breakout Role In 'Easy A'». Access Hollywood.
- ^ «Emma Stone Interview Easy A». Collider.
- ^ «Lies, paranoia and jealousy on the internet's social networks inspire Hollywood». The Guardian.
- ^ Fleming, Mike Jr. (5.08.2020). «Emma Stone & Dave McCary Plant Fruit Tree Production Banner With A24 First-Look TV Deal». Deadline Hollywood.
- ^ Jackson, Angelique (21.01.2022). «From 'Zombieland' to Sundance: Jesse Eisenberg on Teaming With Emma Stone for 'When You Finish Saving the World'». Variety.
- ^ Bergeson, Samantha (19.04.2022). «Emma Stone and Yorgos Lanthimos Reunite for Black-and-White Short 'Bleat'». IndieWire.
- ^ White, James (2.03.2021). «Yorgos Lanthimos And Emma Stone Reportedly Reuniting For Frankenstein-Style Tale Poor Things». Empire.