Эйсэльмээр

Э́йсэльмээр (па-нідэрляндзку: IJsselmeer) — штучнае прэснае возера ў Нідэрляндах, створанае на месцы былое затокі Зёйдэрзээ. Возера мяжуе з правінцыямі Фрысьляндам на паўночным усходзе, Флеваляндам на поўдні й усходзе, Паўночнай Галяндыяй на захадзе. Эйсэльмээр адлучанае ад Паўночнага мора 32-кілямэтровай дамбай Аўсьлёйтдэйк (Afsluitdijk) шырынёй каля 60 мэтраў. Вадаём атрымаў сваю назву ад ракі Эйсэлю, якая ўпадае ў яго празь невялічкае возера Кетэльмээр. Эйсэльмээр зьяўляецца найбуйнейшым паводле плошчы прэснаводным вадаёмам Заходняй Эўропы.

Возера Эйсэльмээр Панарама Эйсэльмээру Возера Эйсэльмээр Краіна Нідэрлянды Плошча 1100 км² Максымальная глыбіня 9,5 м Сярэдняя глыбіня 5—6 м Найбольшая даўжыня 53 км Найбольшая шырыня 32 км Вышыня над узроўнем мора 1 м Каардынаты 52°49′ пн. ш. 5°15′ у. д. Эйсэльмээр на мапе Нідэрляндаў Эйсэльмээр

Галерэя здымкаў у Вікісховішчы

У 1975 годзе Эйсэльмээр быў падзелены на дзьве часткі дамбай Маркерваарддэйк (Markerwaarddijk), у выніку чаго ўтварылася возера Маркермээр.

Пазьней, у 1986 годзе на месцы асушаных польдэрамі тэрыторыях была ўтворана новая нідэрляндзкая правінцыя Флевалянд.

Прызначэньне

Заход сонца па-над возерам ля гораду Лелістаду

Сёньня возера служыць важным сховішчам прэснае вады й выкарыстоўваецца для патрэбаў сельскае гаспадаркі, водазабесьпячэньня гарадоў. Магчымасьці возера шырока выкарыстоўваюцца для рэкрэацыі.

Вонкавыя спасылкі

Эйсэльмээр — сховішча мультымэдыйных матэрыялаў