Шафран анкарскі

Шафра́н анка́рскі (па-лацінску: Crocus ancyrensis) — расьліна, якая адносіцца да роду шафран сямейства касачовых. Прарастае на поўначы і ў цэнтральнай частцы Турэччыны. Вядома дзякуючы багатаму ўтрыманьню цукру і крухмалу.

Шафран анкарскі
Клясыфікацыя
Царства	Расьліны
Аддзел	Кветкавыя
Кляса	Аднадольныя
Атрад	Спарагакветныя
Сямейства	Касачовыя
Род	Шафран
Від	Шафран анкарскі
Бінамінальная намэнклятура
Crocus ancyrensis
Шафран анкарскі на Віківідах  Шафран анкарскі ў Вікісховішчы NCBI 481016

Расьліна звычайна квітнее зь лютага па красавік. Расьце каля скалаў, кустоў і хвоіных. Дасягае ў вышыню 10—12 см. Кветкі шафрану накіраваны ўверх і складаюцца з шасьці пялёсткаў. Расчыняючыся, кветкі прымаюць зорчатую форму. Вузкае лісьце шырынёй 0,5—1 мм выцягваецца ў даўжыню пасьля квітненьня. Цыбуліна пакрытая лускавінкамі з жорсткай сеткай, створанай спляценьнямі валокнаў абалонкі. З адной цыбуліны вырастае мноства кветак, ствараючы ілюзію букету. Кветкі маюць залаціста-жоўтую афарбоўку.

Вонкавыя спасылкі

Шафран анкарскі — сховішча мультымэдыйных матэрыялаў

• Crocus ancyrensis(недаступная спасылка). Alpine Gargen Society.