Цэнтральная Сэрбія

Цэнтральная Сэрбія (па-сэрбску: Централна Србија / Centralna Srbija) — назва часткі Рэспублікі Сэрбіі, разьмешчанай за межамі тэрыторыі аўтаномных краёў Ваяводзіна і Косава і Мятохіі. Цэнтральная Сэрбія не ўяўляе сабой асобную адміністрацыйна-тэрытарыяльную адзінку і не мае вызначэньня ні ў адным законе або падобным дакумэнце. Паняцьце «Цэнтральная Сэрбія» ўведзена выключна для адрозьненьня часткі Сэрбіі, разьмешчанай за межамі аўтаномных краёў. У Цэнтральнай Сэрбіі знаходзіцца 17 акругаў і сталіца краіны — Бялград, тэрыторыя якога разам з прыгарадамі таксама выдзелена ў асобную акругу.

Адміністрацыйны падзел Сэрбіі: жоўты — Ваяводзіна, чырвоны — Цэнтральная Сэрбія зялёны- Косава і Мятохія

Геаграфія

Назва гэтай частцы Сэрбіі вызначана яго геаграфічным становішчам — у цэнтры краіны. На поўнач ад Цэнтральнай Сэрбіі знаходзіцца Ваяводзіна, а на поўдзень — Косава і Мятохія. На захадзе Цэнтральная Сэрбія мае выхад да дзяржаўнай граніцы з Чарнагорыяй і Босьніяй і Герцагавінай, і на ўсходзе з Румыніяй, Баўгарыяй і Паўночнай Македоніяй.

Згодна перапісу 2011 году, насельніцтва Цэнтральнай Сэрбіі складалася з 5 255 053 чалавек.

Адміністрацыйны падзел

• Бялград
• Борская акруга (Borski Okrug)
• Бранічэўская акруга (Braničevski Okrug)
• Заечарская акруга (Zaječarski Okrug)
• Златыборская акруга (Zlatiborski Okrug)
• Калубарская акруга (Kolubarski Okrug)
• Мачванская акруга (Mačvanski Okrug)
• Маравіцкая акруга (Moravički Okrug)
• Нішаўская акруга (Nišavski Okrug)
• Пчыньская акруга (Pčinjski Okrug)
• Пірацкая акруга (Pirotski Okrug)
• Падунайская акруга (Podunavski Okrug)
• Памораўская акруга (Pomoravski Okrug)
• Расынская акруга (Rasinski Okrug)
• Раская акруга (Raški Okrug)
• Шумадыйская акруга (Šumadijski Okrug)
• Топліцкая акруга (Toplički Okrug)
• Ябланіцкая акруга (Jablanički Okrug)