Цэнтар Астрагорскага
Цэнтар Астрагорскага — прыватная некамэрцыйная ўстанова, заснаваная ў сьнежні 2011 году ў Лёндане (Ангельшчына) для дасьледаваньня спосабаў пераадоленьня перашкодаў на шляху да станаўленьня рынкавай гаспадаркі і вяршэнства права(en) ў Беларусі. Аналітыкі цэнтру выступаюць камэнтатарамі беларускіх падзеяў у СМІ і працуюць у Менску, Лёндане, Бэрліне, Вашынгтоне і Варшаве. Цэнтар не афіліяваны з палітычнымі арганізацыямі, найбуйнейшы яго фінансавы донар урад Нарвэгіі.
| Цэнтар Астрагорскага | |
| анг. Ostrogorski Centre | |
 | |
| Дэвіз | Пераход да рынкавай гаспадаркі і вяршэнства права |
|---|---|
| Дата ўтварэньня | сьнежань 2011 |
| Тып | аналітычны цэнтар |
| Юрыдычны статус | некамэрцыйная арганізацыя |
| Мэта | Пераўтварэньні для павышэньня спабораздольнасьці гаспадаркі Беларусі |
| Штаб-кватэра | Лёндан, раён Гэкні(en), акруга Шордыч(en), вул. Паўла, 86-90 |
| Месцазнаходжаньне | Ангельшчына |
| Дзейнічае ў рэгіёнах | Беларусь |
| Афіцыйныя мовы | беларуская, ангельская, расейская |
| Дырэктар | Яраслаў Крывой |
| Матчына кампанія | Міністэрства замежных справаў Нарвэгіі(no) (Осьлё) |
| Зьвязаныя кампаніі | «Журнал беларускіх дасьледаваньняў» (Лёндан, Ангельшчына) |
| Бюджэт | £21,8 тыс.[1] (2015; $32,3 тыс.)[2] |
| Колькасьць супрацоўнікаў | 11 (2016)[3] |
| Сайт | ostrogorski.org |
| Колішняя назва | Цэнтар пераходных дасьледваньняў (да 21 ліпеня 2014 г.) |
Праекты рэдагаваць
- Belarus Digest. Падае аналіз зьвязаных зь Беларусьсю падзеяў, напісаны беларусамі адмыслова для ангельскамоўных чытачоў.
- Ostro.by — беларускі пераклад артыкулаў Belarus Digest.
- «Журнал беларускіх дасьледаваньняў». Выдаецца па-беларуску і па-ангельску. Зьяўляецца адзіным ангельскамоўным рэцэнзаваным пэрыядычным выданьнем беларускіх дасьледаваньняў.
- Belarus Profile (бел. Нарыс Беларусі). Дырэкторыя ўплывовых асобаў Беларусі.
- Арбітражны форум СНД (cisarbitration.com). Сумесны праект навукоўцаў і практыкаў з ухілам на вырашэньне спрэчак з удзелам краінаў былога Савецкага Саюзу.
- Belarus Policy (бел. Палітыка Беларусі). База зьвестак, якая ўтрымлівае больш за 250 дасьледаваньняў у сфэры замежнай палітыкі, кіраваньня, эканомікі, бясьпекі і грамадзтва. У стварэньні ўдзельнічаюць 11 іншых установаў: Беларускі інстытут рэформы і ператварэньня дзяржаўнага кіраваньня (БІРПДК; Менск, Беларусь), Беларускі інстытут стратэгічных дасьледаваньняў (БІСД; Вільня, вул. Ягайлы, д. 4), Беларускі эканамічны дасьледча-адукацыйны цэнтар (БЭДАЦ; Менск, пр. газэты Праўда, д. 11б), блог «Бясьпека Беларусі» (Менск, Беларусь), Лібэральны клюб (Менск, Беларусь), Інстытут прадпрымальніцтва і мэнэджмэнта (ІПМ; Менск, пр. газэты Праўда, д. 11в), Незалежны інстытут сацыяльна-эканамічных і палітычных дасьледаваньняў (НІСЭПД; Вільня, Летува), Офіс эўрапейскай ініцыятывы і камунікацыяў (ОЭІК; Менск, вул. Платонава, д.43), УП «Сатыё» (Менск, вул. Бядулі, д. 11), Цэнтар грамадзка-гаспадарчых дасьледаваньняў (ЦГГД; Варшава, алея Яна Паўла ІІ(pl), д. 61), Цэнтар эўрапейскай трансфармацыі (ЦЭТ; Менск, Беларусь)[4].
Каманда рэдагаваць
- Яраслаў Крывой — заснавальнік і кіраўнік
- Рыгор Астапеня — дырэктар па разьвіцьці
- Ігар Губарэвіч — старэйшы аналітык
- Вадзім Смок — аналітык і каардынатар праектаў
- Паўла Бароўска — аналітык
- Вольга Чарныш — аналітык
- Сяргей Богдан — асацыяваны аналітык
- Дэвін Эклз — асацыяваны аналітык
- Арцём Шрайбман — асацыяваны аналітык
Мінуўшчына рэдагаваць
25 красавіка 2012 году юрыст Яраслаў Крывой падаў у Лёндане заяўку на стварэньне Цэнтру пераходных дасьледваньняў, які атрымаў улік 1 траўня 2012 году[5]. У ліпені 2014 годзе[6] Цэнтар атрымаў імя Майсея Астрагорскага — беларускага палітолага, палітыка і гісторыка, які зрабіў значны ўнёсак у вывучэньне прававых і палітычных сыстэмаў пераходнага пэрыяду ад аўтакратыі да дэмакратыі. У 2015 годзе ў рэйтынгу беларускіх аналітычных інстытутаў Цэнтар Астрагорскага заняў 7-е месца агулам і 2-е месца па інфармацыйным ахопу[7].
Крыніцы рэдагаваць
- ^ Скарочаныя неаўдытаваныя рахункі Цэнтра Астрагорскага за адцінак з 1 чэрвеня 2014 г. да 31 сакавіка 2015 г. (анг.) // «Даталог», 31 сакавіка 2015 г. Праверана 12 чэрвеня 2016 г.
- ^ Абменны курс даляра да фунта 31 сакавіка 2015 г. (1,4847) (анг.) // Банк Англіі, 31 сакавіка 2015 г. Праверана 12 чэрвеня 2016 г.
- ^ Людзі // Цэнтар Астрагорскага, 2016 г. Праверана 12 чэрвеня 2016 г.
- ^ Справаздача за 2015 год (анг.) // Цэнтар Астрагорскага, 2016 г. Праверана 12 чэрвеня 2016 г.
- ^ Гісторыя справазданасьці Цэнтра Астрагорскага (анг.) // Палата кампаніяў Брытаніі(en), 10 траўня 2016 г. Праверана 12 чэрвеня 2016 г.
- ^ https://www.youtube.com/watch?v=XDJzR4GaYWI
- ^ http://thinktanks.by/publication/2015/10/01/v-belarusi-vpervye-proveden-reyting-issledovatelskih-tsentrov.html