Цыкуны

Цыкуны́, раней Случ-Мільча — вёска ў Гомельскім раёне Гомельскай вобласьці. Цыкуны ўваходзяць у склад Бабовіцкага сельсавету. Насельніцтва 92 чал. (2004).

Цыкуны
Вобласьць:	Гомельская
Раён:	Гомельскі
Сельсавет:	Бабовіцкі
Насельніцтва:	92 (2004)
Тэлефонны код:	+375 23(2)
Паштовы індэкс:	247032
Аўтамабільны код:	3
Геаграфічныя каардынаты:	52°19′41″ пн. ш. 30°47′38″ у. д.
Цыкуны на мапе Беларусі Цыкуны

Знаходзяцца за 18 км на паўднёвы захад ад Гомля, каля аўтадарогі Каленкавічы — Гомель.

На поўначы і ўсходзе мэліярацыйныя каналы. Насупраць дачнага каапэратыву ёсьць штучнае возера. На поўначы і захадзе мяжуе зь лесам.

Гісторыя

Паводле пісьмовых крыніцаў вядомыя з XVIII ст. як слабада ў Рэчыцкім павеце Менскага ваяводзтва Вялікага Княства Літоўскага.

Пасьля першага падзелу Рэчы Паспалітай (1772) апынуліся ў складзе Расейскай імпэрыі. З 1775 року вёска знаходзілася ў валоданьні фэльдмаршала графа П. Румянцава-Задунайскага. З 1834 року валоданьне фэльдмаршала графа І. Паскевіча. У 1833 року ў Беліцкім павеце Магілёўскай губэрні. У 1862 року ў Гомельскім павеце. У 1897 року ў вёсцы (Случ-Мільча) разьмяшчалася хлебазапасная крама. Знаходзіліся ў Дзятлавіцкай воласьці Гомельскага павету Магілёўскай губэрні. У 1913 року пачала працаваць земская школа.

З 1959 року ў складзе гаспадаркі «Мірны» з цэнтрам у вёсцы Міхалькі.

Насельніцтва

• 1833 — 20 жыхароў.
• 1862 — 21 двор.
• 1884 — 185 жыхароў.
• 1897 — 49 двароў, 267 жыхароў (паводле перапісу).
• 1909 — 56 двароў, 347 жыхароў.
• 1926 — 429 жыхароў.
• 1959 — 414 жыхароў (паводле перапісу).
• 2004 — 54 двары, 92 жыхары.

Забудова

У вёсцы 54 жылыя хаты (2004). Плянаваньне складаецца са зьлёгку выгінастай вуліцы да якой прылягае завулак. Забудова двухбаковая, хаты драўляныя, сядзібнага тыпу.

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.