Царква Сьвятой Эўфрасіньні Полацкай (Полацак)

помнік архітэктуры сярэдзіны XIX ст. у Полацку (Беларусь)
Помнік сакральнай архітэктуры
Царква Сьвятой Эўфрасіньні Полацкай
Царква Сьвятой Эўфрасіньні Полацкай
Царква Сьвятой Эўфрасіньні Полацкай
Краіна Беларусь
Места Полацак
Каардынаты 55°30′14″ пн. ш. 28°46′49″ у. д. / 55.50389° пн. ш. 28.78028° у. д. / 55.50389; 28.78028Каардынаты: 55°30′14″ пн. ш. 28°46′49″ у. д. / 55.50389° пн. ш. 28.78028° у. д. / 55.50389; 28.78028
Канфэсія праваслаўе[d]
Царква Сьвятой Эўфрасіньні Полацкай на мапе Беларусі
Царква Сьвятой Эўфрасіньні Полацкай
Царква Сьвятой Эўфрасіньні Полацкай
Царква Сьвятой Эўфрасіньні Полацкай

Царква Сьвятой Эўфрасіньні Полацкай — помнік архітэктуры сярэдзіны XIX стагодзьдзя ў Полацку. Знаходзіцца ў паўднёвай частцы комплексу Спаса-Эўфрасіньнеўскага манастыра. Дзее. Твор архітэктуры клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя рэдагаваць

У 1842 годзе ў жылым манастырскім доме ўладкавалі дамавую царкву, якую асьвяцілі ў гонар заснавальніцы манастыра прападобнай Эўфрасіньні Полацкай. У 1847 годзе дамавую царкву перабудавалі пад цёплую трапезную царкву. У 1886 годзе яе значна пашырылы: надбудавалі сьцены, узьнялі столь, зрабілі хоры, прыбудавалі алтар, прытвор і рызьніцу, збудавалі новыя прастол і ахвярнік. Па заканчэньні будаўнічых працаў 12 сьнежня 1886 году царкву зноў асьвяцілі.

У 1920-я гады савецкія ўлады перадалі будынак вайскоўцам ды іншым дзяржаўным структурам.

У 1987—1989 гадох мескія ўлады правялі ў царкве капітальны рамонт, паставілі драўляныя хоры з сходамі.

Архітэктура рэдагаваць

Помнік архітэктуры клясыцызму. Гэта прастакутны ў пляне аб’ём з 5-граннай апсыдай (з усходу), 4-гранным прыдзелам (з поўдня) і прытворам (з захаду). Будынак накрываецца 2-схільным дахам, у цэнтры якога невялікі купал з галоўкай на драўляным 8-гранным барабане. Уваход у выглядзе аркавага парталу з шырокімі сходамі, сьцены дэкаруюцца рустам, аконныя праёмы паўцыркульныя зь ліштвамі[1].

У царкве захоўваюцца абразы Божай Маці «Іверская» і «Ўсецарыца», напісаныя на Сьвятой Гары Афон, каўчэг-машчавік, дубовая рака з труной, у якой раней спачывалі мошчы Сьвятой Эўфрасіньні Полацкай, а цяпер знаходзяцца яе вярыгі (у царкве ёсьць часьцінка мошчаў Сьвятой Эўфрасіньні Полацкай).

Галерэя рэдагаваць

Гістарычная графіка рэдагаваць

Гістарычныя здымкі рэдагаваць

Крыніцы рэдагаваць

  1. ^ Архітэктура Беларусі. Энцыкл. — Менск, 1993. С. 400.

Літаратура рэдагаваць

  • Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
  • Кулагін А. Праваслаўныя храмы на Беларусі: Энцыкл. даведнік. — 2-е выд. — Менск: БелЭн, 2001. — 328 с.: іл. ISBN 985-11-0190-7.

Вонкавыя спасылкі рэдагаваць

  Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  210Г000621