Царква Сьвятой Параскевы Пятніцы (Вербавічы)

Помнік сакральнай архітэктуры
Царква Сьвятой Параскевы Пятніцы
Пятніцкая царква
Краіна	Беларусь
Вёска	Вербавічы
Каардынаты	51°42′54.66″ пн. ш. 29°30′53.29″ у. д.
Канфэсія	Беларускі экзархат
Эпархія	Тураўская япархія
Архітэктурны стыль	барока
Дата заснаваньня	XVIII ст.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Сьвятой Параскевы Пятніцы на мапе Беларусі Царква Сьвятой Параскевы Пятніцы

Царква Сьвятой Параскевы Пятніцы — помнік архітэктуры XVIII стагодзьдзя ў Вербавічах. Дзее. Твор архітэктуры барока, мастацкае аблічча якога пацярпела ад надбудовы вялізнага купала-цыбуліны. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Царкву ў Вербавічах збудавалі ў XVIII ст. з цэглы. У 1990-я гады ў выніку рэканструкцыі над царквой паставілі вялізны маскоўскі купал-цыбуліну.

Архітэктура

Помнік архітэктуры барока. Гэта крыжападобны ў пляне будынак, накрыты пакатым шматсхільным дахам. Бакавыя прыдзелы (мелі ўваходныя дзьверы, замураваныя) і апсыда маюць выгляд 5-гранных аб’ёмаў. Да бабінца прылягае больш нізкі драўляны прытвор пад 1-схільным дахам. Куты атынкаваных сьценаў (таўшчыня 0,8 м) умацоўваюцца пілястрамі. Фасады праразаюцца высока ўзьнятымі прастакутнымі аконнымі праёмамі і апярэзваюцца прафіляваным карнізам.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  313Г000540