Царква Георгія Пераможцы (Котра)

Славутасьць
Царква Георгія Пераможцы
Краіна	Расейская імпэрыя
Вёска	Котра
Канфэсія	праваслаўе
Эпархія	Гарадзенская
Тып будынка	царква
Першае згадваньне	1560
Рэліквіі і сьвятыні	абраз сьвятога вялікамучаніка Георгія Пераможцы
Стан	зруйнаваная

Царква́ Гео́ргія Перамо́жцы — праваслаўная царква, якая знаходзілася ля вёскі Котра Гарадзенскага дабрачыньня Гарадзенскай япархіі (цяпер у Гарадзенскім раёне Гарадзенскай вобласьці). Не захавалася.

Мінуўшчына

Стаяла на беразе ракі Котры на вясковых могілках, за 1,5 вярсты ад вёскі і за 27 вёрстаў ад Горадні. Пабудаваная з дрэва, заснавальнік невядомы. Паводле надпісу на абразе сьвятога вялікамучаніка Георгія Пераможцы, якую прыхаджане шанавалі як цудатворную, ён падараваны царкве ў 1560 року Іванам Верашчынскім.

У 1865 року царква адбудаваная з дапамогай княгіні Надзеі Трубяцкой, пляменьніцы князя Канстантына Сьвятаполка-Чацьвярцінскага, скідальскага вотчыньніка. У прыходзе 1845 чалавек зь вёсак Котра, Бірулічы, Брошкаўцы, Гушчыцы, Кашубінцы, Лашавічы, Мазынаў і Некрашы. Тры царкоўныя школы (Бірулічы, Брошкаўцы, Мазынаў).

Вонкавыя спасылкі

• Radzima.net (рас.)