Уладзімер Навіцкі

Уладзімер Навіцкі (1954, Берасьце) — беларускі спартовы журналіст, спартовы тэлекамэнтатар. Начальнік аддзела камэнтароў і падрыхтоўкі тэматычных праграм галоўнай дырэкцыі спартовага вяшчаньня Нацыянальнай дзяржтэлерадыёкампаніі. Заслужаны дзяяч культуры Рэспублікі Беларусь.

Уладзімер Навіцкі
Уладзімер Мікалаевіч Навіцкі
Род дзейнасьці Журналіст
Дата нараджэньня 8 траўня 1954 (66 гадоў)
Месца нараджэньня Берасьце, Беларуская ССР, СССР
Грамадзянства Беларусь
Месца вучобы Беларускі дзяржаўны політэхнічны інстытут
Занятак журналіст
Бацька Мікалай Навіцкі
Узнагароды Заслужаны дзяяч культуры Рэспублікі Беларусь

БіяграфіяРэдагаваць

Нарадзіўся ў 1954 годзе ў Берасьці ў сям’і вайскоўца.

АдукацыяРэдагаваць

Скончыў Беларускі політэхнічны інстытут па спэцыяльнасьці «інжынэр-энэргетык». Пазьней — завочнае аддзяленьне факультэта журналістыкі БДУ (чырвоны дыплём).

ПрацаРэдагаваць

У спартовую журналістыку трапіў дзякуючы лісту, які напісаў у дырэкцыю спартовых праграмаў. Пасьля гэтага Ўладзімера Навіцкага запрасілі працаваць на радыё, а праз тры гады даручылі весьці тэлерэпартаж. Каля году прапрацаваў пазаштатным карэспандэнтам у штотыднёвым радыёчасопісе «Спартыўная арбіта», рабіў матэрыялы самых розных жанраў. Пасьля выпрабавальнага тэрміну яму прапанавалі паспрабаваць свае сілы ў ролі камэнтатара. Спачатку хадзіў на стадыён «Дынама» з рэпарцёрам і за 15—20 хвілін да заканчэньня матча, седзячы на трыбуне, распавядаў пра тое, што адбываецца на полі. У жніўні 1981 году правёў першы паўнавартасны рэпартаж пра матч чэмпіянату СССР «Дынама» (Менск) — «Пахтакор» (Ташкент). Некаторы час пісаў артыкулы для газэты «Прессбол» (нават у першым нумары газэты было некалькі яго матэрыялаў). Каля году супрацоўнічаў з газэтай «Знамя юности», дзе быў футбольным аглядальнікам. Асьвятляў практычна ўсе буйныя спартовыя мерапрыемствы з удзелам беларускіх спартоўцаў.

У 2007 годзе стаў заслужаным дзячом культуры Беларусі[1].

Сям’яРэдагаваць

Жанаты, сын працуе прэс-сакратаром у МНС.

Крылатыя фразы НавіцкагаРэдагаваць

Аўтар шэрагу ўсенародна любімых фразаў:

  • «Моцна, але недакладна»
  • «Над полем бліскаюць маланкі… Нашыя ідуць у наступ…»
  • «Удар — бэлька!»

КрыніцыРэдагаваць

Вонкавыя спасылкіРэдагаваць