Тры гарэшкі для Папялушкі

«Тры гарэ́шкі для Папялу́шкі» — папулярная кінаказка вытворчасьці Чэхаславаччыны і НДР 1973 году. Для сямейнага прагляду. Галоўныя ролі выконвалі Лібушэ Шафранкава (Папялушка) і Павал Траўнічак (прынц).

Тры гарэшкі для Папялушкі
па-чэску: Tři ořišky pro Popelku, па-нямецку: Drei Haselnüsse für Aschenbrödel
Жанр	казка
Рэжысэр	Вацлаў Ворлічэк
Сцэнарыст	Францішак Паўлічэк
Заснаваны на	Three Wishes for Cinderella[d]
Прадусар	Jiří Krejčík[d]
У ролях	Лібушэ Шафранкава — Папялушка Павэл Траўнічэк — Прынц Кароля Браўнбок — Мачыха Рольф Гопэ — Кароль Карын Леш — Каралева Дана Главачава — Дора і іншыя.
Кампазытар	Карэль Свобада
Апэратар	Ёзэф Ільлік
Мантаж	Miroslav Hájek[d]
Мастак	Oldřich Bosák[d]
Вытворчасьць	Filmstudio Barrandov (Прага, Чэхаславаччына), DEFA (Бабэльсбэрг, НДР), KAG Berlin (Бэрлін, НДР).
Распаўсюд	Netflix і iTunes[d]
Дата выхаду	1973
Працягласьць	82 хвіліны
Краіна	Чэхаславаччына, НДР
Мова	чэская, нямецкая
Старонка на IMDb

Фільм здымаўся ў чэскай мясцовасьці Шумава, нямецкім замку Морыцбург («Рэзыдэнцыя караля») і чэскім замку Швіхаў («Дом мачыхі»). У Морыцбургу з 2011 ладзяцца шторочныя выставы, прысьвечаныя фільму.

Сюжэт

Замак Швіхаў, дзе здымаўся дом мачыхі

У аснову фільма была пакладзена казка братоў Грым «Тры сястры» ў апрацоўцы Бажэны Немцавай — «Пра Папялушку і трох сясьцёр» — якая адрозьніваецца ад вэрсіі Шарля Пэро тым, што ў братоў Грым Папялушка набывае сваё шчасьце не з удзелам феі-хроснай, а з дапамогай чароўнага гарэшніку (у фільме — трох чароўных гарэшкаў). Акрамя таго, Папялушка ў фільме валодае яздой на кані, стральбой з арбалету і паляўнічымі навыкамі.

• Мачыха (Папялушкі): спрабуе выдаць сваю родную дачку Дору за Прынца і клапоціцца толькі пра ейнае шчасьце.
• Прынц: не жадае жаніцца, сварыцца з каралём (бацькам), зьбіраецца зьехаць з дому (палацу). Выпадкова сустракае прыгожую незнаёмку ў масцы, у якую адразу закахаўся, аднак з-за пэўных прычынаў хутка губляе яе з вачэй.
• Прыгожая незнаёмка ў масцы: спрытны стралок.
• Гарэзная дзяўчына: адначасова зьяўляецца прыгожай незнаёмкай у масцы (прынц да пэўнага часу пра гэта ня ведае).
• Чароўныя гарэшкі: чароўны інструмэнт, дзякуючы якому ў казцы адбываюцца пераўтварэньні гарэзьлівай дзяўчыны ў прыгожую незнаёмку ў масцы. У адным з гарэшкаў знаходзіўся вясельны падарунак для Папялушкі.

Вонкавыя спасылкі

• Нямецкі сайт, прысьвечаны фільму

Глядзіце таксама

• Трэці прынц (фільм)