Траскоўшчына (заказьнік)
«Траско́ўшчына» — рэспубліканскі краявідны заказьнік Беларусі, абвешчаны ў сакавіку 2001 году на захадзе Менскага раёну.
| Траскоўшчына | |
| Плошча | 745,39 га |
|---|---|
| Краіна | Беларусь |
| Геаграфічныя каардынаты | 53° пн. ш. 27° у. д. / 53° пн. ш. 27° у. д.Каардынаты: 53° пн. ш. 27° у. д. / 53° пн. ш. 27° у. д. |
| Месцазнаходжаньне | Менскі раён |
| Утварэньне | 5 сакавіка 2001 (23 гады таму) |
|
Траскоўшчына на мапе Беларусі   Траскоўшчына | |
Месьціцца на поўдні Гаранскага сельсавету на паўднёвы ўсход ад аднайменнага пасёлка Траскоўшчына. Акаляе вёску Іслач. Зьмяшчае хваёвыя лясы з рэдкімі расьлінамі. Мае буйнаўзгорыста-градавы і ўзгоорыста-ўвалісты рэльеф з камавымі пагоркамі і глыбокімі далінамі ракі Іслач і 3-х ручаёў. Сустракаюцца дзярнова-падзолістыя сугліністыя і супяшчаныя, а таксама дзярновыя забалочаныя і тарфяна-балотныя глебы. Лясы займалі 55 % плошчы. Пераважалі ельнікі і бярэзьнікі. Расьлінны сьвет налічваў 475 відаў судзінкавых расьлінаў. Сярод іх у Чырвонай кнізе Беларусі былі баранец, шыракалісты званочак і даўгалісты пылкагалоўнік, а таксама грыб-сьмярдзюх. Сустракалася шмат лекавых, кармавых, харчовых, меданосных і тэхнічных расьлінаў[1]. Заказьнік знаходзіўся на землях Навасельскага лясьніцтва «Менскай лясной гаспадаркі», дзе займаў 557 гектараў ляснога фонду і 240,5 гектараў сельскагаспадарчых земляў[2].
Крыніцы
рэдагаваць- ^ П.І. Лабанок. Траскоўшчына // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 2004. — Т. 18. Кн. 1: Дадатак: Шчытнікі — Яя. — С. 462—463. — 473 с. — 10 000 ас. — ISBN 985-11-0295-4
- ^ Асабліва ахоўныя прыродныя тэрыторыі (ААПТ) // ДУ «Менская лясная гаспадарка», 2021 г. Праверана 4 ліпеня 2021 г.
 |
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |