Транспарт у Эстоніі

Транспартная сыстэма Эстоніі пераважна складаецца зь сеткі аўтамабільных дарог і чыгункі. Геаграфічнае становішча дазваляе Эстоніі весьці выгадны гандаль, ажыцьцяўляючы імпарт і экспарт тавараў па зямлі (аўтамабільным і чыгуначным транспартам), паветры і моры.

Дарогі

Сетка галоўных дарог і эўрамагістраляў у Эстоніі.

• Агулам: 57 565 км (у тым ліку 16 465 км нацыянальных дарог).
• З дарожным пакрыцьцём: 12 926 км (у тым ліку 99 км хуткасных шосаў).

Нацыянальныя дарогі

Нацыянальныя дарогі ўтвараюць аснову эстонскай дарожнай сеткі. Іх агульная даўжыня сягае 16 465 км (29% ад усіх дарог), 59% зь іх маюць дарожнае пакрыцьцё. Нацыянальныя дарогі падзеленыя на 3 ўзроўні:

• галоўныя дарогі (1601 км),
• звычайныя дарогі (2391 км),
• другарадныя дарогі (12 425 км).

Галоўныя дарогі

Нумар	Эўрамагістраль	Маршрут	Даўжыня (км)	Заўвагі
1	E20	Талін — Нарва	212	Цягнецца ў бок Санкт-Пецярбургу, на мяжы з Расеяй пераходзіць у аўтамагістраль M11.
2	E263	Талін — Тарту — Выру — Лугамаа	286	Перасякае Эстоніі з паўночнага захаду на паўднёвы ўсход, далей злучаецца з галоўнай дарогай №2.
3	E264	Йыхві — Тарту — Валга	219	Ад Валгі да Рыгі працягваецца як латвійская шаша A3
4	E67	Талін — Пярну — Ікла	193	Ад Іклы да Рыгі працягваецца як латвійская шаша A1
5		Пярну — Раквэрэ — Сымэру	184	Ідзе ад Пярну праз Пайдэ і злучаецца з галоўнай дарогай №1 пад Раквэрэ
6		Валга — Уулю	125	Ад Пярну праз Кілінгі-Нымэ да Валгі
7	E77	Рыга — Пскоў	22	Кароткі адрэзак на паўднёвым усходзе Эстоніі. Праходзіць празь Місо, працягваецца як расейская аўтамагістраль А212 і латвійская A2.
8	E265	Талін — Палдыскі	47	Праз Кейлу, участак Кейла — Палдыскі уваходзіць у эўрапейскую магістраль E265, далей працягваецца на пароме да Капэлскяру.
9		Ääsmäe — Хаапсалу — Rohuküla	81	Паромны рух паміж Rohuküla і Хіюмаа
10		Рысьці — Вірцу — Куівасту — Курэсаарэ	144	Паромны рух Віртсу і Куйвасту (Мухумаа)
11	E265	Талінская кальцавая аўтадарога	38
92		Тарту — Вільяндзі — Кілінгі-Нымэ	123

Чыгунка

Асноўны артыкул: Чыгунка ў Эстоніі

• Агулам: 900 км агульнадаступных шляхоў (1200 км з улікам службовых нітак).
• З шырокай каляінай (1500/1524 мм): 900 км (133 км электрыфікавана).

Чыгуначны рух з сумежнымі краінамі

•  Латвія — пасажырскі і грузавы рух, аднолькавая каляіна (1520 мм)
•  Расея — пасажырскі і грузавы рух, аднолькавая каляіна (1520)