Татранскі тыгр

«Татранскі тыгр» — мянушка, якой характарызуюць славацкую эканоміку ў пэрыяд 2002—2007 рокаў^[1] і пасьля 2010^[2], пасьля таго, як у верасьні 2002 да ўлады прыйшла правая кааліцыя, што прадставіла праграму лібэральных эканамічных рэформаў. Выраз «Татранскі тыгр» паходзіць ад Татранскага горнага хрыбту.

Міністра фінансаў Івана Міклаша прызнаюць асноўным архітэктарам эканамічных рэформаў

У 2004—2005 Славаччына мела адзін з найвышэйшых тэмпаў росту СУП у Эўразьвязе пасьля некаторых прыбалтыйскіх дзяржаваў, які складаў 6%. У трэцім квартале 2006 року паказьнік нечакана ўзрос ажно да 9,8%, што па выніках року дазволіла атрымаць паказьнік 8,2% замест чаканых 6%-6,5%. У пэўнай меры такі рост можна вытлумачыць пускам новага заводу Peugeot SA. Рост стаўся сюрпрызам для мясцовых аналітыкаў, нягледзячы нават на той факт, што іншы замежны інвэстар, Kia, у канцы 2006 таксама запусьціла сваю вытворчасьць. У 4 квартале 2007 року рост склаў 14,3%.

Тым ня меней, публічныя апытаньні паказалі, што нягледзячы на высокія паказьніку росту СУП, насельніцтва неадназначна ўспрыняла рэформы, якія асацыяваліся са значным скарачэньнем урадавых праграмаў (рэформа сыстэмы аховы здароўя, поўная зьмена пэнсыйнае сыстэмы і да т.п.), замяшчэньнем прагрэсіўнага падаткаабкладаньня прапарцыйным, хуткай зьменай законаў і іншых пастановаў, павышэньнем кошту нерухомасьці. Да таго ж неўзабаве пасьля пачатку рэформаў у 1998 року рэзка падскочыў узровень беспрацоўя, аднак у 2006 ён вярнуўся на ўзровень 1998, а пазьней нават ніжэй за яго.

У першым квартале 2009 падзеньне СУП склала −5,7%, аднак ужо ў першай чвэрці наступнага року СУП вырас на 4,8%.

СУП у Славаччыне расьце хутчэй, чым у цэлым па Эўразьвязе, і за пэрыяд з 2005 да 2011 ягоны ўзровень 38,3% увогуле найвышэйшы ў ЭЗ^[3].

Статыстыка

Гадавы прырост СУП

	2000	2001	2002	2003	2004	2005	2006	2007	2008	2009	2010	2011	2012	2013
Славаччына	1,4%	3,5%	4,6%	4,8%	5,1%	6,7%	8,3%	10,5%	5,8%	-4,9%	4,2%	3,3%	1,8%	2,9%
Паводле зьвестак Эўрастату (2012—2013 — ацэначныя)

СУП на душу насельніцтва

У міжнародных далярах, паводле парытэту пакупніцкай здольнасьці (ППЗ) і намінальнага СУП на душу насельніцтва. Лічбы ў дужках паказваюць адносны паказьнік СУП на душу насельніцтва ад агульнага па Эўразьвязе.

	2000	2001	2002	2003	2004	2005	2006	2007	2008	2009	2010	2011	2012	2013
Славаччына (ППЗ)	11 237 (50%)	11 944 (52%)	12 693 (54%)	13 576 (55%)	14 601 (57%)	16 031 (60%)	17 915 (63%)	20 342 (68%)	21 943 (73%)	21 032 (73%)	22 122 (73%)	23 304 (73%)	24 145	25 271
Паводле зьвестак Міжнароднага валютнага фонду

	2000	2001	2002	2003	2004	2005	2006	2007	2008	2009	2010	2011	2012	2013
Славаччына (намінальны)	3791	3926	4562	6197	7845	8902	10 367	13 913	17 500	16 122	16 050	17 644	16 726	17 099
Паводле зьвестак Міжнароднага валютнага фонду

Глядзіце таксама

Крыніцы

^ Jens Jungmann,Bernd Sagemann. 2011. p. 525
^ The economist. Oct 12th 2011, 15:45 by K.M
^ Epp.eurostat.ec.europa.eu. 11 March 2011. Retrieved 26 April 2011

Вонкавыя спасылкі

«A new Direction for Slovak politics?» (preview), Foreign Report, Jane's Intelligence, December 12, 2005
Post Report: Slovak Republic, U.S. Department of State, 12 May 2005
«Slovakia’s awakening: 'Tatra Tiger' is born», by Matthew Reynolds, New York Times, December 29, 2004
Once a Backwater, Slovakia Surges, by Matthew Reynolds, New York Times, December 28, 2004

[1] Jens Jungmann,Bernd Sagemann. 2011. p. 525

[2] The economist. Oct 12th 2011, 15:45 by K.M

[3] Epp.eurostat.ec.europa.eu. 11 March 2011. Retrieved 26 April 2011

[1]

[2]

[3]