Тараклійскі раён

Тараклійскі раён (па-малдаўску: raionul Taraclia) — адміністрацыйна-тэрытарыяльная адзінка на поўдні Рэспублікі Малдова. Адміністрацыйны цэнтар — горад Тараклія.

Тараклійскі раён
па-малдаўску: raionul Taraclia
Герб
Агульныя зьвесткі
Краіна	Малдова
Статус	раён
Адміністрацыйны цэнтар	Тараклія
Дата ўтварэньня	2002
Кіраўнік	Аляксандар Гараноўскі
Насельніцтва (2004)	43 154
Шчыльнасьць	64,06 чал./км²
Нацыянальны склад	баўгары, малдаване, гагавузы, украінцы
Канфэсійны склад	праваслаўе
Плошча	673,69 км²
Месцазнаходжаньне
Мэдыя-зьвесткі
Часавы пас	GMT +2
Код ISO 3166-2	MD-TA
Індэкс FIPS	MD90
Код аўтам. нумароў	TR
Афіцыйны сайт
Дадатковыя мультымэдыйныя матэрыялы

Гэта адзін з самых маленькіх па плошчы і насельніцтву раёнаў рэспублікі. Мяжуе з Гагавузіяй, Кагульскім раёнам і Адэскай вобласьцю Украіны.

Тараклійскі раён — адзіны з раёнаў сучаснай Малдовы, дзе абсалютна пераважае немалдаўскае насельніцтва. У якасьці асноўных моваў у раёне выкарыстоўваюцца баўгарская, расейская і малдаўская.

У канцы 1980-х гадоў неаднаразова вылучаліся прапановы аб стварэньні сумеснай гагавуска-баўгарскай аўтаноміі, аднак ва ўмовах ціску з боку Кішынёва нерашучасьць тараклійскай адміністрацыі прывяла да абвяшчэньня толькі гагавускай аўтаноміі.

12 красавіка 2013 году Тараклійскі раённы савет адзінагалосна зьвярнуўся да ўладаў Малдовы з заклікам надзяліць яго нацыянальна-культурнай аўтаноміяй, якая закліканая абараніць раён ад анэксіі і асыміляцыі.