Сівельга
рака ў Беларусі
Сі́вельга — рака ў Слуцкім і Салігорскім раёнах Менскай вобласьці, правы прыток ракі Случы (басэйн Дняпра). Даўжыня 19,7 км. Плошча вадазбору 200 км². Сярэдні нахіл воднай паверхні 0,7‰.
| Сівельга | |
| Агульныя зьвесткі | |
|---|---|
| Выток | каля в. Балотчыцы |
| Вусьце | Случ |
| Краіны басэйну | Беларусь |
| Вобласьці | Слуцкі раён і Салігорскі раён |
| Даўжыня | 19,7 км |
| Плошча басэйну | 200 км² |
| Нахіл воднай паверхні | 0,7 ‰ |
Асноўны прыток — рака Дзявіца (леваруч).
Пачынаецца ля мяжы Слуцкага і Салігорскага раёнаў. Адзін выток месьціцца за 2,5 км на паўднёвы захад ад вёскі Прусы Салігорскага раёну (пазначаецца як выток на афіцыйных мапах; у мясцовых жыхароў мянуецца Млынкаю), другі месьціцца за 1 км на паўночны захад ад вёскі Балотчыцы Слуцкага раёну; дзьве пратокі зьліваюцца ля вёскі Млынка. Вусьце за 2 км на паўднёвы ўсход ад вёскі Вялікі Быкоў Салігорскага раёну. Мае каналізаванае рэчышча[1].
Крыніцы
рэдагаваць- ^ Блакітная кніга Беларусі. Энцыкл. — Мн.: 1994. С. 332
Літаратура
рэдагаваць- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1 С. 332