Сяргей Каваленка

беларускі палітык

Сярге́й Кавале́нка (нар. 16 студзеня 1975 году) — беларускі палітычны дзяяч, сябра КХП-БНФ.

Сяргей Каваленка
Сяргей Аляксандравіч Каваленка
Siarhei Kavalenka 01.jpg
Род дзейнасьці будаўнік, палітычны дзяяч
Дата нараджэньня 16 студзеня 1975 (47 гадоў)
Месца нараджэньня Віцебск
Занятак палітык
Бацька Аляксандар Васільевіч
Маці Лідзія Ўладзімераўна
Жонка Алена
Дзеці сын Валянцін (нар. 2004), дачка Вікторыя (нар. 2011)
Узнагароды
мэдаль 100 гадоў БНР
Вікіпэдыя мае артыкулы пра іншых асобаў з прозьвішчам Каваленка.

ДзейнасьцьРэдагаваць

Стаўся вядомым пасьля таго, як 7 студзеня 2010 году на пляцы ў цэнтры Віцебску ён уздымаў на ялінцы бел-чырвона-белы сьцяг які лунаў над чырвонай зоркай. Пасьля чаго быў арыштаваны ды прысуджаны да трох гадоў умоўнага пакараньня[1]. Суд над Каваленкам выклікаў вялікі розгалас, праваабаронцы сьведчылі пра палітычны характар працэсу над актывістам[2]. Газэта «Наша Ніва» пасьпелі абвесьціць Каваленку «героем году» ў сваім сьпісе найбольш выбітных людзей 2010 году[3].

У канцы сьнежня 2011 году Каваленка быў зноў арыштаваны і абвінавачаны ў парушэньні рэжыму адбываньня пакараньня. Зь 19 сьнежня 2011 году Каваленка трымаў сухую галадоўку, з 16 студзеня 2012 году яго пачалі гвалтоўна карміць[4]. Каваленка быў прысуджаны да двух гадоў і 1 месяца калёніі. Прысуд вынесла судзьдзя Алена Жук, пракурорам выступаў Дзьмітры Лутаў.

 
Варшаўскі мітынг патрыётаў Беларусі 2022

Ажаніўся 18 чэрвеня 2004 году[5], мае двух дзяцей[2]. У верасьні 2010 году расстаўся з жонкай, каб не было ціску на сваякоў у сувязі з крымінальнай справай. 17 лютага 2012 году сужэнцы аднавілі шлюб падчас знаходжаньня Сяргея ў сьледчым ізалятары ў Віцебску[6].

27 сьнежня 2014 году быў зноўку затрыманы праваахоўнымі органамі за тое, што павесіў бел-чырвона-белы сьцяг на шматпавярховым доме ў Віцебску. У той жа дзень судзьдзя Першамайскага раёну Віцебска Андрэй Прэйс прысудзіў актывіста да 10 дзён адміністрацыйнага арышту. 3 студзеня 2015 году Каваленка быў вызвалены з ізалятару[7]. У Варшаве 27 чэрвеня 2020 году на Маршы Салідарнасьці спаліў расейскі сьцяг [8].

ФатаздымкіРэдагаваць

Глядзіце таксамаРэдагаваць

КрыніцыРэдагаваць

  1. ^ Апазыцыянэр Каваленка атрымаў за сьцяг на елцы тры гады ўмоўна. Telegraf.by (14 траўня 2010). Праверана 23 лютага 2012 г.
  2. ^ а б Сяргей Каваленка. Бачына «Свабоду палітвязьням». Праверана 23 лютага 2012 г.
  3. ^ Зміцер Панкавец (31 сьнежня 2010) Чалавек года — Мікалай Казлоў. Наша НіваПраверана 23 лютага 2012 г.
  4. ^ Сяргей Каваленка ў крытычным стане. «Салідарнасьць» (11 лютага 2012). Праверана 23 лютага 2012 г.
  5. ^ Яна Ільіна (3 сакавіка 2012) Алена Каваленка: «Я за Сяргеем, як за каменнай сьцяной» Грамадзтва. «Народныя навіны Віцебска(en)». Праверана 7 сакавіка 2012 г.
  6. ^ Ён не проста абсалютна белы. Ён пайшоў ужо жоўтымі плямамі. Наша Ніва (17 лютага 2012). Праверана 23 лютага 2012 г.
  7. ^ Сяргей Каваленка выйшаў на волю // Хартыя’97, навіны
  8. ^ На беларускай маніфэстацыі ў Варшаве затрымалі чалавека, які спаліў расейскі сьцяг // Наша Ніва

Вонкавыя спасылкіРэдагаваць