Сяргей Алейнікаў

Сярге́й Яўге́навіч Але́йнікаў (нарадзіўся 7 лістапада 1961 году ў Менску) — беларускі футбаліст і футбольны трэнэр.

Сяргей Алейнікаў
Пэрсанальная інфармацыя
Нарадзіўся	7 лістапада 1961 (63 гады) Менск, БССР
Рост	182 см
Вага	74 кг
Пазыцыя	паўабаронца
Клюбы
Гады	Клюб	Гульні (галы)¹
1981—1989 1989—1990 1990—1992 1993—1995 1996 1997 1998	Дынама Менск Ювэнтус Леччэ Гамба Осака Адэвольд Ананьні Карыльяна	220 (31) 30 (3) 59 (2) 83 (14) 5 (0) 9 (1)
Зборныя
1984—1991 1992 1992—1994	СССР СНД Беларусь	73 (6) 4 (0) 4 (0)
Трэнэрскія клюбы
1998—1999 2000—2001 2003 2003 2003—2005 2005—2007 2007—2008 2011—2012 2014	Ананьні Пантэдэра 1912 Тарпэда-Мэталюрг Масква Віднае Моладзевая акадэмія Капэртына Моладзевая акадэмія «Ювэнтусу» Крас Крас Дайнава Аліта

Гулец

Па гульнявым амплюа — паўабаронца.

Выступаў за клюбы:

• «Дынама» (Менск) (1981—1989, капітан каманды ў 1985—1989)
• «Ювэнтус» (Турын, Італія) (1989/1990, 30 матчаў, 3 галы)
• «Леччэ» (Італія) (1990/1991-1992/1993, 29 матчаў у сэрыі А)
• «Гамба» (Асака, Японія) (1993—1995, 83 матчы, 14 галоў)
• «Адэвольд» (Удэвала, Швэцыя) (1996, 5 матчаў)
• «Карыльяна» (Італія, аматарскі клюб, сэрыя «С2») (1997/98)
• «Ананьні Фантана» (Італія, аматарскі клюб, сэрыя «D») (1998/99, гулец/трэнэр)

Дасягненьні

У чэмпіянатах СССР правёў 220 матчаў, забіў 31 гол. Чэмпіён СССР 1982, фіналіст Кубка СССР 1987. Уладальнік Кубка Італіі 1990. У эўрапейскіх кубкавых турнірах правёў 36 матчаў. Уладальнік Кубка УЭФА 1990 году.

За зборную СССР/СНД у 1984—1992 правёў 77 матчаў, забіў 6 галоў. Віцэ-чэмпіён Эўропы 1988, удзельнік чэмпіянату Эўропы 1992, чэмпіянатаў сьвету 1986 і 1990. Ляўрэат прызоў за адны з самых хуткіх галоў на чэмпіянаце сьвету 1986 (матч СССР — Вугоршчына, 4-я хвіліна) і чэмпіянаце Эўропы 1988 (матч СССР — Ангельшчына, 3-я хвіліна).

Выступаў за зборную сьвету супраць зборнай Бразыліі ў матчы, прысьвечаным 50-годзьдзю Пэле (Мілян, 1990 год).

У 1992—1994 гадах выступаў за зборную Беларусі (4 матчы).

7 разоў уваходзіў у сьпісы найлепшых футбалістаў СССР. Тры разы прызнаваўся Футбалістам году ў Беларусі (1984, 1986, 1988). Заслужаны майстар спорту СССР (1988). Па выніках апытаньня да 50-годзьдзя УЭФА быў прызнаны найлепшым футбалістам Беларусі за 50 гадоў.

Трэнэр

У сэзоне 1998—1999 гадоў трэніраваў італьянскую каманду «Ананьі Фантана» (сэрыя «D»). У сэзоне 2000/01 — «Понтэдэру» (сэрыя «D»). У 2003 г. (да траўня) — галоўны трэнэр «Тарпэда-Мэталюрг» (Масква). З чэрвеня па верасень 2003 г. — галоўны трэнэр у падмаскоўным клюбе «Віднае». Зь сьнежня 2003 г. — каардынатар груп усіх узростаў дзіцяча-юнацкай футбольнай школы ў Капэрціна, Італія. Трэнэр у філіяле футбольнай акадэміі клюбу «Ювэнтус» у Лечэ (з 2005 г.) У 2007—2008 і 2011—2012 гадах трэнэр італьянскай каманды «ФК Крас» (з 6 дывізіёну Італіі). У сакавіку 2014 году прызначаны галоўным трэнэрам летувіскага клюбу «Дайнава» з Аліты, але ўжо ў траўні пакінуў клюб празь непаразуменьні з кіраўніцтвам клюбу, за гэты пэрыяд «Дайнава» прайграла ўсе 14 гульняў з розьніцай мячоў 1–75.

Клюб Сяргея Алейнікава

У гонар футбаліста газэта «Прессбол» запачаткавала Клюб Сяргея Алейнікава, у які ўвахозяць беларускія футбалісты, што згулялі 500 ці болей гульняў на вышэйшым узроўні (лічацца гульні ў вышэйшых дывізіёнах краінаў, кубках краінаў, кантынэнтальных кубках, гульнях у складзе маладзёвай, алімпійскай і нацыянальный зборнай СССР і Беларусі).

Літаратура

• Алейников С. Е., Беленький Д. И. И жизнь, и слезы, и футбол… — Мн.: Полымя, 1992. — 256 с.

Вонкавыя спасылкі

• Профіль на сайце «Зборная Расеі па футболе» (рас.)
• Алейнікаў за мяжой (рас.)