Сябры (гурт)

«Сябры́» — вакальна-інструмэнтальны ансамбль пад кіраўніцтвам Анатоля Ярмоленкі, створаны ў 1974 годзе. Заслужаны калектыў Рэспублікі Беларусь. Вядомы шырокай аўдыторыі слухачоў па песьнях «Вы шуміце, бярозы», «Алеся», «Полька беларуская» і шматлікіх іншых.

Сябры
Гады	1974 — цяпер
Краіна	СССР Беларусь
Месца ўтварэньня	Менск, Беларусь
Мова	беларуская расейская украінская
Жанр	фольк-поп
Выдавец	Мэлёдыя
Узнагароды і прэміі	прэмія Ленінскага камсамолу Беларусі[d] (1984)
syabry.com

Гісторыя

Музычны эстрадны калектыў «Сябры» быў створаны ў 1972 годзе пры Гомельскай філярмоніі. Афіцыйна годам утварэньня лічыцца 1974 год, пры гэтым назва ансамблю зьявілася яшчэ ў 1973 годзе. Улетку 1975 году кіраўніцтва калектывам было прапанаванае Валянціну Бадзьяраву. Кіраўніцтва калектывам ён прыняў толькі з 1976 году, неўзабаве музычны калектыў «Сябры» атрымаў статус вакальна-інструмэнтальнага ансамблю і папоўніўся музыкам Мікалаем Падгорным зь Ленінграду і салістам-тэнарам Віталем Чырвоным з Адэсы.

У 1981 годзе Анатоль Ярмоленка зьмяніў Валянціна Бадзьярава на пасадзе мастацкага кіраўніка калектыву. У гэтым жа годзе калектыў зь песьняй «Алеся» выйшаў у фінал фэстывалю «Песьня-81».

Адной з усенародна вядомых песьняў калектыву стала «Вы шуміце, бярозы», якую беларускі кампазытар Эдуард Ханок склаў у 1983 годзе. Словы песьні былі напісаныя ў 1954 годзе беларускім паэтам Нілам Гілевічам. Увосень 1993 году падчас гастроляў у ЗША гурт «Сябры» выканаў песьню «Полька беларуская» на словы Леаніда Дранько-Майсюка і музыку Ігара Лучанка.

Ансамбль вядомы шматлікім слухачам па песьнях: «Вы шуміце, бярозы», «Крынічанька», «Гуляць, дык гуляць!», «Полька беларуская», «Піце піва, мужыкі», «Алеся», «Перажывем» і многіх іншых.