Сьвятлана Калінкіна

Сьвятлана Калінкіна — беларуская журналістка.

Сьвятлана Калінкіна
Дата нараджэньня	12 верасьня 1970(1970-09-12) (53 гады)
Месца нараджэньня	Менск, БССР, СССР
Месца вучобы	факультэт журналістыкі Беларускага дзяржаўнага ўнівэрсытэту[d]
Занятак	журналістка
Месца працы	Беларускае тэлеграфнае агенцтва Белорусская деловая газета Народная Воля Белсат
Узнагароды	міжнародная прэмія Камітэту абароны журналістаў „За свабоду прэсы“[d] (2004)

Біяграфія

Нарадзілася 12 верасьня 1970 году ў Менску, скончыла Беларускі дзяржаўны ўнівэрсытэт па спэцыяльнасьці «журналістыка».

З 1992 году працавала карэспандэнтам, а пасьля — палітычным аглядальнікам у Беларускім тэлеграфным агенцтве. Пасьля перамогі Аляксандра Лукашэнкі на прэзыдэнцкіх выбарах перайшла на працу ў недзяржаўны выдавецкі холдынг «Белорусская деловая газета» на пасаду першага намесьніка галоўнага рэдактара штотыднёвіка «Имя». З 1996 году — першы намесьнік галоўнага рэдактара «Беларускай дзелавой газэты». З 2002 году — галоўны рэдактар «Беларускай дзелавой газэты», галоўны рэдактар дадатку «БДГ. Для службовага карыстаньня».

З 2003 году — шэф-рэдактар газэты «Народная Воля».

У 1996 годзе паводле вынікаў апытаньня, праведзенага прадстаўніцтвам ААН у Рэспубліцы Беларусь, была названая найлепшым эканамічным аглядальнікам краіны. У 2004 годзе стала ляўрэаткаю Міжнароднай прэміі за свабоду прэсы(en) ад Камітэту па абароне журналістаў.

Вонкавыя спасылкі

• Форум зь Сьвятланай Калінкінай на радыё «Свабода»
• Кто есть кто в Республике Беларусь