Стэфан Пац

Стэфан Пац (1587 — 17 лістапада 1640) — вайсковы і дзяржаўны дзяяч Вялікага Княства Літоўскага. Падскарбі надворны (1630) і вялікі літоўскі (1630—1635), падканцлер вялікі літоўскі (з 1635).

Стэфан Пац

Стэфан Пац. Невядомы мастак, XVII ст.
Герб «Газдава»
Асабістыя зьвесткі
Нарадзіўся	1587
Памёр	17 лістапада 1640
Пахаваны	Вільня
Род	Пацы
Бацькі	Мікалай Пац (сын Дамініка) Соф’я з Сапегаў[d]
Дзеці	Крыштап Жыгімонт Пац, Мікалай Стафан Пац, Міхал Казімер Пац, Ганна з Пацаў[d] і Соф’я з Пацаў[d]

Быў старостам берасьцейскім, прэнскім і ваўкавішкаўскім.

Біяграфія

Прадстаўнік шляхецкага роду Пацаў гербу «Газдава», сын Мікалая, падкаморыя берасьцейскага, і Соф’і з Сапегаў.

Навучаўся ў Італіі, па вяртаньні ў Вялікае Княства Літоўскае атрымаў пасады каралеўскага сакратара (з 1611), пісара вялікага літоўскага (1615—1630), рэфэрэндара сьвецкага (1626—1630) і іншыя.

Браў удзел у вайне Рэчы Паспалітай з Маскоўскай дзяржавай (1609—1618).

Шчыры каталік, фундаваў кляштар кармэлітак і касьцёл Сьвятога Язэпа ў Вільні, таксама спрыяў будове касьцёла Сьвятой Тэрэзы.

У шлюбе з Ганнай Дусяцкай меў сыноў Станіслава, Крыштапа Жыгімонта і Мікалая Стэфана, а таксама дачок Соф’ю і Ганну.

Галерэя

• Іканаграфія Стэфана Паца
• 

  М. Палёні, XVII ст.

• 

  Радавод С. Паца, XVII ст.

• 

  Невядомы мастак, XVIII ст.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 2: Кадэцкі корпус — Яцкевіч. — Менск: Беларуская Энцыклапедыя, 2005. — 788 с.: іл. ISBN 985-11-0378-0.

Вонкавыя спасылкі

Стэфан Пац — сховішча мультымэдыйных матэрыялаў