Плоцевы дымарфізм

Палавы дымарфізм (ад па-старажытнагрэцку: δι- — два, Шаблён:Lang-grc2 — форма) — анатамічныя адрозненьні паміж самцамі і самкамі аднаго і таго ж біялагічнага віду, не ўлічваючы палавых органаў. Палавы дымарфізм можа выяўляцца ў розных фізычных прыкметах, напрыклад:

• Памер. У сысуноў і многіх відаў птушак самцы больш буйныя і цяжкія за самак. У земнаводных і членістаногіх самкі, як правіла, буйнейшыя за самцоў.
• Валасяное покрыва. Барада ў мужчын, грыва у ільвоў або бабуінаў.
• Афарбоўка. Колер апярэньня ў птушак, асабліва ў качыных.
• Скура. Характэрныя нарасты або дадатковыя ўтварэньні, такія як рогі ў аленевых, грабеньчык у пеўняў.
• Зубы. Біўні у самцоў індыйскага слана, больш буйныя іклы у самцоў маржоў і дзікоў.

Самка (зьлева) і самец фазанаў

Некаторыя жывёлы, першым чынам рыбы дэманструюць палавы дымарфізм толькі падчас спарваньня. Паводле адной з тэорый, палавы дымарфізм выяўлены тым больш, чым больш рознымі з’яўляюцца ўклады абодвух полаў у догляд за нашчадствам. Таксама ён з’яўляецца паказчыкам узроўню палігаміі.

Глядзіце таксама

• Палавы адбор
• Дымарфізм
• Палімарфізм
• Гермафрадытызм