Спрут 3
«Спрут 3» (па-італьянску: La piovra 3) — трэці сэзон італьянскага тэлесэрыялу «Спрут», прадстаўлены ў 1987 року. Рэжысэр — Люіджы Пэрэльлі, у галоўных ролях — Мікеле Плячыда, Джульяна дэ Сыё, Ален Кюні, Рэма Джыронэ. Першая сэрыя сямісэрыйнага сэрыялу выйшла на канале «Rai Uno» 5 красавіка 1987.
| Спрут 3 | |
| La piovra 3 | |
| Жанр | дэтэктыў драма |
|---|---|
| Стваральнік | Ennio de Concini[d] |
| Сцэнарыст |
|
| Рэжысэр | Люіджы Пэрэльлі |
| У ролях | |
| Кампазытар | Эньё Марыконэ |
| Краіна | |
| Колькасьць сэрыяў | 7 |
| Мова | італьянская |
| Вытворчасьць | |
| Прадусар | Кляўдыя Аляізі |
| Апэратар | Ніна Чэлестэ |
| Мантаж | Франка Фратычэльлі |
| Вытворчасьць |
|
| Трансьляцыя | |
| Тэлеканал | Rai Uno |
| На экранах | 5 красавіка 1987 — 13 красавіка 1987 (37 гадоў таму) — |
| Храналёгія | |
| Папярэдні | Спрут 2 |
| Наступны | Спрут 4 |
Сюжэт
рэдагаваць
З ЗША прыйшла замова на продаж нейкай арабскай краіне ядзернай сыравіны (урану), колькасьці якое дастаткова для вырабу 3 атамных бомбаў. Апэрацыю зьдзяйсьняе мафія, кошт дастаўкі грузу — 1 трыльён ліраў. Апэрацыю праводзіць міжнародны кантрабандыст Кемаль Іфтэр, які валодае сеткай прадпрыемстваў і прадстаўніцтваў па ўсім сьвеце. Шлях грузу праходзіць праз Балканы, Італію.
Мноства людзей у Італіі хочуць увайсьці ў Іфтэрава прадпрыемства, сярод іх: прафэсар Джанфранка Ляўдэа, які меў з Іфтэрам падобныя справы даўней, аднак цяпер ён, стваральнік мафіёзнай асацыяцыі «Італа», разгромленай Карада Катані, знаходзіцца ў 5-гадовым зьняволеньні; Дына Алесьсі, загадчык банку «Антынары», які падманам і шантажом уцягвае банк «Антынары» і ягонага ўласьніка Карлё Антынары ў справу Іфтэра; прафэсар Матынэра, значная асоба ў палітыцы, які мае сувязі з сакрэтнымі службамі; адвакат Тэразіні, які карыстаецца заступніцтва самай вершаліны італьянскай мафіі; Тана Карыдзі, адданы памагаты Ніколя Антынары, заснавальніка банку «Антынары». Тана паступова набірае вагу і ў выніку крывавага перадзела, у якім гінуць шматлікія змагары за месца ў гэтай угодзе, становіцца галоўным удзельнікам угоды Іфтэра ў Італіі.
Мноства людзей гіне, намагаючыся выкрыць гэтую ўгоду: жонка падманутага і забітага турэмнага службоўца Антоніё Вівіяні; лекар з больніцы; агент амэрыканскай фэдэральнай службы па барацьбе з наркотыкамі Бэрт ды Даната і ягоная брыгада; абат Лявана; амаль уся сям’я Антынары. Мафія высочвае і Карада Катані, аднак замахі на яго няўдалыя.
Угода ў выніку не зьдзяйсьняецца. Дзякуючы Карада Катані кантэйнэр з уранам, схаваны ў легкавіку, перахоплены на катэры, якім Іфтэр зь іншымі мафіёзі зьбіраліся сплыць па-за межы тэрытарыяльных водаў Італіі. Аднак каб кантэйнэр ня трапіў у рукі паліцыі, на загад Кемаля Іфтэра аўтамабіль з радыяактыўным грузам у апошні момант скідаюць у мора.
У ролях
рэдагаваць| Актор | Роля |
|---|---|
| Мікеле Плячыда | камісар Карада Катані |
| Джульяна дэ Сыё | Джулія Антынары |
| Ален Кюні | Ніколя Антынары |
| Рэма Джыронэ | Тана Карыдзі |
| Мары Ляфарэ | Ганна Антынары |
| Люіджы Дэ Філіпа | судзьдзя Вэнтуры |
| Франсыска Рабаль | абат Лёвані |
| П’ер Ванэк | Карлё Антынары |
| Ліна Капалік’ё | прафэсар Матынэра |
| Поль Герс | прафэсар Джанфранка Ляўдэа |
| Сайрус Ілаяс | агент УБН Бэрт Ды Даната |
| Франка Трэвізі | Кемаль Іфтэр |
| Аліса ды Джузэпэ | Грэта Антынары |
| Адальбэрта Марыя Мэрлі | Дына Алесьсі |
| Франсуа Пэр’е | адвакат Тэразіні |
| Марчэльлё Туска | мафіёзны бос «У Папа» |
| Джамп’ера Альбэртыні | сэнатар Тарсоні |
| Ніколя Ды Пінта | манах Бэрнарда |
| Разэльля Манака | Разарыя |
| Калёджэра Бута | Сальва |
| Скот Ірык | агент Сымс |
| Джон Лімэр | агент Боб К’ёчча |
| Антонія П’яцца | сыньёра Вівіані |
| Антоніё Арлянда | агент Леа Сэтымэльлі |
| Гвіда Чэрнільля | камісар Ды Вэнанца |