Солі

Солі — кляса хімічных злучэньняў; крышталічныя ў нармальных ўмовах рэчывы зь іённай будовай.

Блакітная соль медзь сульфату (II) у форме мінэралу халькантыну

Рашчынныя солі з вадой утвараюць рашчыны электралітаў. Могуць разглядацца як прадукт замяшчэньня атамаў вадароду ў кісьлі на атамы мэталу або гідроксагрупы ў аснове на кіслотную астачу. Утвараюцца шляхам рэакцыі нэўтралізацыі паміж кісьляй і асновай, узаемадзеяньнем кісьлі з асноўным аксыдам, з мэталам, іншымі рэакцыямі.

Адрозьніваюць солі нэўтральныя (або сярэднія), кіслыя, якія ўтрымліваюць незамешчаныя атамы вадароду пры кіслотнай астачы (напрыклад, NaHCO₃), асноўныя, калі прысутнічаюць незамешчаныя гідроксагрупы (напрыклад, Cu(OH)Cl), двайныя (напрыклад, KCl•MgCl₂ = KMgCl₃), камплексныя.

Для соляў характэрная рашчыннасьць у палярных рашчыньніках, асабліва ў вадзе.

Уласьцівасьці

Колер

Цьвёрдыя солі, як правіла, зьяўляюцца празрыстымі, як то натр хларыд. У многіх выпадках непразрыстасьць або празрыстасьць толькі зьвязана з адрозьненьнем у памерах асобных монакрышталяў. У сувязі з тым, што сьвятло адлюстроўваецца ад мяжы паміж крышталітамі, буйнейшыя крышталі, як правіла, зьяўляюцца празрыстымі, у той час як полікрышталіты выглядаюць як белыя парашкі.

Солі існуюць у многіх розных колерах, якія ўзнікаюць за аніёнаў ці катыёнаў, як то:

• натр храмат мае жоўты колер празь іён храмату;
• каль дыхрамат мае аранжавы колер празь іён дыхрамату;
• кобальт нітрат мае чырвоны колер праз храмафор гідратыраванага кобальту (II) ([Co(H₂O)₆]²⁺);
• медзь сульфат (II) мае сіні колеру праз храмафор медзі (II);
• каль пэрманганат мае фіялетавую афарбоўку праз пэрманганату аніёну;
• нікель хларыд, як правіла, мае зялёны колер [NiCl₂(H₂O)₄];
• натр хларыд і магн сульфат зьяўляюцца бескаляровымі або маюць белы колер праз тое, што складовыя катыёны і аніёны не паглынаюць бачную частку спэктру.

Некаторыя мінэралы зьяўляюцца солямі, таму што яны рашчынаюцца ў вадзе. Такім жа чынам неарганічныя пігмэнты, як правіла, не зьяўляюцца солямі, таму што нераспушчальнасьць зьяўляецца патрабаванай для іхнай устойлівасьці. Некаторыя арганічныя фарбавальнікі зьяўляюцца солямі, аднак яны практычна нераспушчальныя ў вадзе.

Смак

Розныя солі могуць мець усе пяць асноўных смакаў, як то салёны (натр хларыд), салодкі (волава ацэтат, які будзе выклікаць атручваньне волавам пры ягоным праглынаньні), кіслы (каль бітартрат), горкі (магн сульфат) і ўмамі ці гэтак званы мясны смак (натр глутамат).