Рэмі Вэркутр

Рэмі́ Вэрку́тр (па-француску: Rémy Vercoutre; нарадзіўся 26 чэрвеня 1980 году, Гранд-Сынт, Францыя) — былы францускі футбаліст, брамнік. Выступаў за «Манпэлье», ліёнскі «Алімпік», «Страсбург» і «Кан».

Рэмі Вэркутр
Пэрсанальная інфармацыя
Нарадзіўся	26 чэрвеня 1980 (44 гады) Гранд-Сынт, Францыя
Рост	185 см
Вага	78 кг
Пазыцыя	брамнік
Клюбы
Гады	Клюб	Гульні (галы)¹
1996—2002 2002—2014 2004—2005 2014—2018	Манпэлье Алімпік Ліён → Страсбург Кан	36 (0) 78 (0) 5 (0) 145 (0)

Кар’ера

Рэмі Вэркутр зьяўляецца выхаванцам футбольнага клюбу «Манпэлье». У асноўнай камандзе «Манпэлье» Рэмі дэбютаваў у сэзоне 1998—1999 гадоў, адгуляўшы адзін матч у чэмпіянаце Францыі. У сэзоне 2000—2001 гадоў «Манпэлье» выступаў у Лізе 2 і ў Рэмі зьявіўся шанец стаць першым брамнікам клюбу. Рэмі адгуляў 20 матчаў у чэмпіянаце, а «Манпэлье» фінішаваў на трэцім месцы, вярнуўшыся ў першую лігу Францыі.

У 2002 годзе Рэмі перайшоў у «Алімпік» зь Ліёну, дзе стаў другім брамнікам клюбу пасьля Грэгары Купэ. Дэбют Рэмі ў складзе «Алімпіку» адбыўся 20 кастрычніка 2002 году ў матчы чэмпіянату Францыі 2002—2003 гадоў супраць «Аячча», дзе Вэркутр згуляў увесь матч, а ягоны клюб сьвяткаваў перамогу зь лікам 1:0.

Пасьля сыходу Юго Лярыса ў ангельскі «Тотэнгэм» у жніўні 2012 году Вэркутр стаў першым брамнікам ліёнскага клюбу. Аднак ужо ў канцы сэзону 2012—2013 гадоў Рэмі страціў месца галоўнага галкіпэра каманды, саступіўшы яго партугальскаму брамніку Антоні Лопішу. У чэрвені 2014 году Вэркутр пасьля 12 гадоў, праведзеных у структуры клюбу, падпісаў 2-гадовы кантракт з клюбам «Кан», які толькі зьявіўся ў Лізе 1.

Дасягненьні

Ліён:

• Чэмпіён Францыі (5): 2003, 2004, 2006, 2007, 2008
• Уладальнік Кубка францускай лігі: 2005
• Уладальнік Супэркубка Францыі: 2006
• Уладальнік Кубка Францыі (2): 2008, 2012

Вонкавыя спасылкі

• Профіль на афіцыйным сайце ФК «Алімпік» Ліён
• Статыстыка на L'Équipe
• Статыстыка на LFP.fr