Рыгор Пукст

Рыго́р Канстанці́навіч Пукст (27 лістапада 1900, Гомель — 11 лістапада 1960, Менск) — беларускі савецкі кампазытар. Заслужаны дзяяч мастацтваў БССР (1955).

Рыгор Пукст
Рыгор Канстанцінавіч Пукст
Дата нараджэньня	27 лістапада 1900(1900-11-27)
Месца нараджэньня	Гомель, Магілёўская губэрня, Расейская імпэрыя
Дата сьмерці	11 лістапада 1960(1960-11-11) (59 гадоў)
Месца сьмерці	Менск, БССР, СССР
Месца пахаваньня	Усходнія могілкі
Месца вучобы	Маскоўская дзяржаўная кансэрваторыя[d]
Занятак	кампазытар, хормайстар
Месца працы	Гомельскі дзяржаўны коледж мастацтваў[d] Беларуская дзяржаўная акадэмія музыкі Першы Нацыянальны канал Беларускага радыё
Дзеці	Яўген Рыгоравіч Пукст[d]
Узнагароды

Вікіпэдыя мае артыкулы пра іншых асобаў з прозьвішчам Пукст (неадназначнасьць).

Жыцьцяпіс

Скончыў Маскоўскую кансэрваторыю (1928), з 1929 выкладаў у Омскім музтэхнікуме, у 1932 пераехаў у БССР.

Да Вялікай Айчыннай вайны выкладаў у Гомельскім музычным тэхнікуме, з 1945 — у Беларускай дзяржаўнай кансэрваторыі, музычнай вучэльні і музычнай школе ў Менску. З 1952 — хормайстар, пасьля мастацкі кіраўнік музычнага вяшчаньня Беларускага радыё.

Творчасьць

Аўтар опэраў «Машэка» (1945, па паэме Я. Купалы «Магіла льва»), «Марынка» (1955), «Сьвіцязянка», 6 сымфоніяў, хораў, рамансаў. Аўтар вядомай «Перапёлачкі» (1947). Пісаў музыку да фільмаў і тэатральных спэктакляў.

Ноты

• Рыгор Пукст. Рамансы (Ноты): для голасу з фартэпіяна. — Менск: Дзяржаўнае выдавецтва БССР, Рэдакцыя музычнай літаратуры, 1958. — 128 с. — 1000 ас.

Узнагароды

Заслужаны дзяяч мастацтваў БССР.

Літаратура

• Журавлёв Д. Г. К. Пукст. — Мн.: 1963.

Вонкавыя спасылкі

• Біяграфія.ру (рас.)