Ронда (горад)
Ронда (па-гішпанску: Ronda) — горад на поўдні Гішпаніі, які месьціца ў правінцыі Маляга аўтаномнай супольнасьці Андалюзія. Насельніцтва на 2010 год — 36 909 чалавек. Горад падзелены глыбокім (120 м) раўчаком, утвораным ракою Гвадалявін. Тры масты аб’ядноўваюць абедзьве часткі гораду: старажытнарымскі (пабудаваны больш як 2000 гадоў таму), маўрыйскі (Puente Arabe) і Новы мост (канец XVIII стагодзьдзя).
| Ронда | |||||
| гішп. Ronda | |||||
| |||||
| |||||
| Краіна: | Гішпанія | ||||
| Аўтаномная супольнасьць: | Андалюзія | ||||
| Правінцыя: | Маляга | ||||
| Кіраўнік: | Pablo Santiago Ramos Pérez[d] | ||||
| Плошча: | 481,31 км² | ||||
| Вышыня: | 723 м н. у. м. | ||||
| Насельніцтва (2009) | |||||
| колькасьць: | 36 827 чал. | ||||
| шчыльнасьць: | 76,51 чал./км² | ||||
| Часавы пас: | UTC+1 | ||||
| летні час: | UTC+2 | ||||
| Паштовы індэкс: | 29400 | ||||
| Нумарны знак: | MA | ||||
| Геаграфічныя каардынаты: | 36°44′14″ пн. ш. 5°9′53″ з. д. / 36.73722° пн. ш. 5.16472° з. д.Каардынаты: 36°44′14″ пн. ш. 5°9′53″ з. д. / 36.73722° пн. ш. 5.16472° з. д. | ||||
Ронда на мапе Гішпаніі   Ронда | |||||
 Галерэя здымкаў у Вікісховішчы
| |||||
| http://www.ronda.es/ | |||||
Незвычайная прыгажосьць Ронды натхняла шэраг пісьменьнікаў ды мастакоў, як то: Вашынгтона Ірвінга, Праспэра Мэрымэ, Гюстава Дарэ, Эрнэста Гэмінгўэя.
Гісторыя
рэдагавацьУ час панаваньня Картагену мясцовае насельніцтва гэтага краю на працягу трох стагодзьдзяў забясьпечвала прадуктамі харчаваньне картагенскіх войскаў у іхных войнах супраць грэкаў і рымлянаў. У 197 годзе рымляне на заваяваным Ібэрыйскім паўвостраве сфармавалі адміністрацыйна-палітычную сыстэму. Пасьля ўварваньня свэваў, вандалаў, аланаў, а пазьней вэстготаў Арунда, як тад называлі Ронда, была цалкам разрабавана й разбурана.
У 711 годзе маўры пачалі захоп Ібэрыйскага паўвострава. Сын аднаго з маўрытанскіх ваеначальнікаў Мусы Абн аль-Азіза заваёўвае Ронда й замак Ляўрэль у 713 годзе. Адразу пасьля гэтага ім быў аддадзены загад пабудаваць на руінах новы горад.
Пачынаючы з буйных перамогаў хрысьціян Рэканкіста зацьвярджаецца на андалюзійскай зямлі. Аднак, Ронда была адваяваная кастыльскімі каралямі толькі ў 1485 годзе. Росквіт гандлю й значны рост насельніцтва ў XVIII стагодзьдзі даюць магчымасьць стварыць будынкі, якія сталі сымбалямі гораду, як то Пляс-дэ-Торас (арэна для бою быкоў), Пуэнтэ-Нуэва (Новы мост), Пуэрта Фэліпэ V (Брама імя Фэліпэ V).
Транспарт
рэдагавацьЛя Ронды праходзіць шаша, а таксама маецца чыгункавая лінія, якая злучае Альхэсырас і Кордаву.