Раян Краўзэр
Ра́ян Кра́ўзэр (па-ангельску: Ryan Crouser; 18 сьнежня 1992 году) — амэрыканскі штурхальнік ядра і кідальнік дыска, аднак галоўнай дысцыплінай атлета зважаецца штурханьне ядра. Шматразовы чэмпіён Алімпійскіх гульняў.
| Раян Краўзэр | |
.jpg) | |
| Пэрсанальная інфармацыя | |
|---|---|
| Поўнае імя | па-ангельску: Ryan Crouser |
| Нарадзіўся | 18 сьнежня 1992[1] (31 год) |
| Грамадзянства | |
| Прафэсійная інфармацыя | |
| Спэцыялізацыя | лёгкаатлет |
Кар’ера
рэдагаваць
У пачатку сваёй кар’еры Краўзэр усталяваў нацыянальны рэкорд сярэдняй школы ў штурханьні ядра ў памяшканьні і на адкрытым паветры, а таксама здабыў золата ў гэтай жа дысцыпліне на моладзевым чэмпіянаце сьвету 2009 году. Падчас навучаньня ў Тэхаскім унівэрсытэце ў Остыне спартовец чатыры разы быў пераможцам NCAA у штурханьні ядра. У 2016 годзе Краўзэр упершыню выйграў нацыянальны тытул у штурханьні ядра на чэмпіянаце ЗША па лёгкай атлетыцы на адкрытым паветры, пасьля чаго рабіў гэта яшчэ шматкроць. Дзякуючы перамозе на айчынным чэмпіянаце ў 2016 годзе, штрухальнік кваліфікаваўся на летнія Алімпійскія гульні 2016 году ў Рыю-дэ-Жанэйру. На першай жа Алімпіядзе спартовец здабыў залаты мэдаль, штурхнуўшы спартовы рыштунак на 22,52 мэтраў[3][4], стаўшы першым грамадзянінам ЗША, які здолеў здабыць найвышэйшую ўзнагароду турніру з 2004 году[3]. У 2017 годзе ён зноў стаў чэмпіёнам ЗША на чэмпіянаце на адкрытым паветры. Таксама няблага атлет спаборнічаў у нацыянальным пяршынстве ў памяшканьні.
У 2019 годзе, пасьля чарговага тытулу айчыннага першынства, Краўзэр кваліфікаваўся на чэмпіянат сьвету па лёгкай атлетыцы 2019 году, які ладзіўся ў Досе. Не зважаючы на тое, што на сусьветным турніры спартовец усталяваў асабісты рэкорд у штуршку на 22,90 мэтраў, ён быў толькі пасьля суайчыньніка Джо Ковача, які адолеў даўжыню ў 22,91 мэтраў[5].
24 студзеня 2021 году Краўзэр усталяваў сусьветны рэкорд у штурханьні ядра ў памяшканьні на спаборніцтвах Амэрыканскай лёгкаатлетычнай лігі. Ягоны штуршок на 22,82 мэтраў пераўзвысіў папярэдні рэкорд 22,66 мэтраў, усталяваны Рэндзі Бэрнзам у 1989 годзе[6][7]. 28-гадовы спартовец зрабіў яшчэ адзін рэкордны штуршок на Алімпійскіх выпрабаваньнях у ЗША ў ліпені таго ж году. Гэтым разам скарылася даўжыня ў 23,37 мэтраў, што пераўзвысіла сусьветны рэкорд на адкрытым паветры ў 23,12 мэтраў, які таксама належыў Бэрнзу з 1990 году[8]. На летніх Алімпійскіх гульнях 2020 году, якія ладзіліся ў 2021 годзе ў Токіё, Краўзэр абараніў свой алімпійскі тытул, здабыўшы залаты мэдаль і ўсталяваўшы алімпійскі рэкорд у 23,30 мэтраў[9]. З шасьці ягоных штуршкоў ажно тры пераўзвысілі папярэдні алімпійскі рэкорд.
У 2022 і 2023 гадах штурхальнік двойчы станавіўся чэмпіёнам сьвету. На летніх Алімпійскіх гульнях 2024 году Краўзэр зноў здабыў перамогу ў сваёй дысцыпліне, што зрабіла яго першым спартоўцам, які стаў уладальнікам залатых мэдалёў на трох Алімпіядах запар[10].
Крыніцы
рэдагаваць- ^ а б Ryan CROUSER // World Athletics database
- ^ а б https://katu.com/sports/oregon-native-wins-shot-put-gold-sets-record
- ^ а б «Texas’s Ryan Crouser sets Olympic record to win gold». NCAA.
- ^ Myerberg, Paul (18.08.2016). «USA’s Ryan Crouser dominates men’s shot put to grab gold». USA Today.
- ^ Mulkeen, John (5.10.2019). «Report: men’s shot put — IAAF World Athletics Championships Doha 2019». World Athletics.
- ^ Rosen, Karen (25.01.2021). «Ryan Crouser Shatters World Indoor Record in Shot Put In First Major North American Meet of 2021». Team USA.
- ^ Johnson, Robert (24.01.2020). «Ryan Crouser Shatters Indoor Shot Put World Record With 22.82m (74’10.5") Heave». LetsRun.
- ^ Taranto, Steven (19.06.2021). «Tokyo Olympics 2021: Ryan Crouser breaks shot put world record during U.S. Olympic Trials». CBSSports.
- ^ Goldman, Tom (5.08.2021). «USA’s Ryan Crouser Sets Olympic Shot Put Record And Wins Gold Again». National Public Radio.
- ^ «Ryan Crouser wins historic Olympic three-peat in shot put». USA Today.