Ратушны пляц (Вільня)

Ра́тушны пляц (лет. Rotušės aikštė) — пляц у цэнтральнай частцы Вільні, у Старым Месьце. На ім зьбягаюцца вуліцы Вялікая, Шкляная і Нямецкая. Другая гістарычная назва пляцу — Рынак.

Ратушны лац. Ratušny
пляц
Вільня
2021
Агульная інфармацыя
Гістарычны раён	Старое Места
Былыя назвы	Рынак, Тэатральны пляц, Музэйны пляц
На мапе
Google
Пляц Ратушны ў Вікісховішчы

2008

Архітэктурныя дамінанты пляцу — меская ратуша і комплекс кляштару езуітаў з касьцёлам Сьвятога Казімера, помнікі архітэктуры XVII—XVIII стагодзьдзяў.

Гісторыя

Вялікае Княства Літоўскае

Трыкутны пляц Рынак утварыўся ў XV ст. у цэнтры Вільні на месцы скрыжаваньня гандлёвых шляхоў. Побач з Рынкам будаваліся заезныя двары, дамы купцоў і рамесьнікаў. На пляцы збудавалі ратушу, якая ўпамінаецца ў крыніцах XVI ст. Да сярэдзіны XVII ст. на пляцы стаялі шыбеніца і эшафот. Пазьней іх перанесьлі за межы места. У 1799 годзе скончылася будаваньне новай ратушы ў стылі клясыцызму паводле праекту архітэктара Лаўрына Гуцэвіча.

Пад уладай Расейскай імпэрыі

У сярэдзіне XIX ст., калі ў будынку ратушы месьціўся тэатар, пляц абсадзілі дрэвамі і ён атрымаў назву Тэатральнага пляцу або сквэру. У 1854 годзе ў ратушы адбылася прэм’ера опэры Станіслава Манюшкі «Галка».

Найноўшы час

Па Другой сусьветнай вайны ў будынку ратушы месьціўся Мастацкі музэй і пляц атрымаў назву Музэйнага. У 2005—2007 гадох праводзілася рэканструкцыя пляцу.

Агульныя зьвесткі

Мае трыкутную форму і брукаванае пакрыцьцё (гранітныя пліткі). У паўночнай частцы пляцу функцыянуе фантан.

Усе будынкі ня пляцы маюць адрасы, прыналежныя да Вялікай вуліцы. Сярод адметных помнікаў архітэктуры вылучаюцца ратуша (№ 31), дом Антакольскага (№ 25), камяніца трынітарыяў (№ 27), малая і вялікая гільдыі (№ 24 і 26).

Галерэя

• Ратушны пляц у мастацтве
• 
  Старая ратуша. Т. Макоўскі, каля 1600 г.
• 
  Старая ратуша, 1763 г.
• 
  Праект новай ратушы Л. Гуцэвіча, 1785—1786 гг.
• 
  Праект новай ратушы Л. Гуцэвіча, 1785—1786 гг.

• 
  Тэатральны сквэр, Ю. Пешка, 1797 г.
• 
  Тэатральны скрэр, Ю. Пешка, 1808 г.
• 
  Адступленьне французаў. В. Тым, 1812 г.
• 
  Тэатральны сквэр. Ю. Азямблоўскі, 1835 г.

• 
  Тэатральны сквэр. Ю. Азямблоўскі, 1835 г.
• 
  Адступленьне французаў. Я. Дамель, 1846 г.
• 
  Ратуша, 1863 г.
• 
  Ратуша, 1845 г.

Літаратура

• Луцкевіч Л. Вандроўкі па Вільні. — Вільня: Рунь, 1998.— 160 с.: іл. ISBN 9986-9228-2-8.