Раман Крывулькін
Рама́н Крыву́лькін (нарадзіўся 18 лютага 1996 году) — беларускі футбаліст, абаронца.
| Раман Крывулькін | ||
| Пэрсанальная інфармацыя | ||
|---|---|---|
| Нарадзіўся | 18 лютага 1996[1] (28 гадоў) | |
| Рост | 170 см | |
| Вага | 66 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2015—2016 | ЦСКА Масква | 0 (0) |
| 2017 | Крумкачы | 9 (0) |
| 2017—2019 | Тарпэда Менск | 37 (1) |
| 2019—2020 | Слуцак | 30 (1) |
| 2021—2022 | Ленінградзец[d] | 16 (2) |
Кар’ера рэдагаваць
Клюбная рэдагаваць
Нарадзіўся ў вёсцы Лісуны каля Воршы ў Беларусі, але ў веку 6 гадоў зь сям’ёй пераехаў у Санкт-Пецярбург. Там пачаў займацца футболам, а пазьней далучыўся да СДЮШАР «Зэніту», выступаючы ў першынстве гораду[2]. У 2015 годзе прыяднаўся да маскавіцкага ЦСКА, дзе пачаў выступаць за моладзевую каманду. Часам прыцягваўся да трэнаваньняў з асноўным складзе ЦСКА, але гэтак і не згуляў за асноўны склад у афіцыйных матчах.
У лютым 2017 году накіраваўся на прагляд ў беларускі клюб «Крумкачы», зь якім у сакавіку склаў працоўную дамову[3]. 2 красавіка 2017 году дэбютаваў у Найвышэйшай лізе, выйшаўшы на замену ў канцы матча супраць «Віцебска» (1:0). Пазьней здолеў замацавацца ў пачатковым складзе каманды. У ліпені таго ж году паводле пагадненьня бакоў пакінуў «Крумкачы»[4] і неўзабаве стаў гульцом менскага «Тарпэда»[5]. У складзе «Тарпэда» замацаваўся ў асноўным складзе. У лістападзе падоўжыў кантракт з тарпэдаўцамі на два гады[6]. Пачатак сэзону 2018 году прапусьціў праз траўмы, а з чэрвеня пачаў трывала зьяўляцца ў першай адзінаццатцы. У траўні 201 году не гуляў праз пашкоджаньні, але пасьля вярнуўся ў склад.
У ліпені 2019 году пакінуў «Тарпэда»[7] і неўзабаве далучыўся да «Слуцка»[8], дзе стаў асноўным абаронцам. У сьнежні 2019 году падоўжыў кантракт з слуцкім клюбам[9]. У сэзоне 2020 году заставаўся гульцом асноўнага складу, але з жніўня па кастрычнік адсутнічаў праз траўмы, пазьней вярнуўся ў склад. У сьнежні 2020 году пакінуў «Слуцак»[10].
У студзені 2021 году стаў гульцом клюба «Ленінградзец» з трэцяга расейскага дывізіёну[11]. Пакінуў клюб па заканчэньні сэзону 2021—2022 гадоў.
Міжнародная рэдагаваць
У 2014 годзе выступаў за зборную Санкт-Пецярбургу на міжнародных моладзевых турнірах — мэмарыяле Гранаткіна і Кубку Садружнасьці, быў прызнаны найлепшым абаронцам абодвух турніраў. У сакавіку 2017 году атрымаў выклік у моладзевую зборную Беларусі[12], аднак у афіцыйных матчах гэтак і не згуляў за яе.
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2017 | Найвышэйшая ліга | 9 | 0 |
| Тарпэда Менск | Першая ліга | 13 | 1 | |
| 2018 | Найвышэйшая ліга | 19 | 0 | |
Крыніцы рэдагаваць
- ^ а б в Roman Krivulkin // Transfermarkt (мн.) — 2000.
- ^ «Наверное, нужно быть тупым, чтобы не понять требований Гончаренко». Белорус из ЦСКА, приехавший на просмотр в «Крумкачы
- ^ Роман Кривулькин подписал контракт с "Крумкачами"
- ^ "Крумкачы" расстались с Корсаком и Кривулькиным
- ^ Роман Кривулькин стал игроком минского "Торпедо"
- ^ Роман Кривулькин продлил контракт с минским "Торпедо"
- ^ Кривулькин и Батищев покинули минское "Торпедо" Архіўная копія ад 11 ліпеня 2019 г.
- ^ Кривулькин и Губанов перешли в "Слуцк"
- ^ Кривулькин продлил контракт со "Слуцком", Дудик вернулся в донецкий "Шахтер" по окончании срока аренды
- ^ "Слуцк" расторг контракт с десятью футболистами
- ^ Александрович и Кривулькин трудоустроились в российский Д3
- ^ Румбутис назвал фамилии игроков, вызванных в молодежную сборную
Вонкавыя спасылкі рэдагаваць
- Статыстыка «ПБ-Инфо» (рас.)