Пётар Клімук
Пётар Ільлі́ч Кліму́к (нар. 1942, Камароўка, Берасьцейскі раён, цяпер Беларусь) — савецкі касманаўт-беларус, двойчы Герой Савецкага Саюзу, генэрал-палкоўнік авіяцыі.
| Пётар Клімук лац. Piotar Klimuk | |
 Пётар Клімук | |
| Імя ў арыгінале | Пётар Ільліч Клімук |
|---|---|
| Пётар Клімук у Вікісховішчы | |
Біяграфія
рэдагавацьНарадзіўся ў вёсцы Камароўка (цяпер Берасьцейскі раён, Беларусь). Бацька ў 1944-м загінуў на фронце. Клімук навучаўся ў Вышэйшай школе авіяцыі Ленінскага камсамолу ў Чарнігаве і ўступіў у Савецкія паветраныя сілы ў 1964 годзе. Наступным годам ён быў адабраны для ўдзелу ў касьмічнай праграме.
Ягоным першым палётам стаўся палёт на «Саюзе-13» 18—26 сьнежня 1973 году. Затым была місія на касьмічную станцыю «Салют-4» на «Саюзе-18» у 1975 годзе.
З 1976 году яго ўключаюць у праграму міжнародных касьмічных палётаў, і яго трэці і апошні вылет у касьмічную прастору адбыўся ўлетку 1978-га[1] разам з польскім касманаўтам Міраславам Гермашэўскім на «Саюзе-30».
Клімук адзначаны наступнымі ўзнагародамі: Герой Савецкага Саюзу (двойчы), Ордэн Леніна (тройчы), польскі Ордэн Грунвальдзкага Крыжа, Залаты мэдаль імя Цыялкоўскага, Залаты мэдаль імя Гагарына, а таксама Залаты мэдаль ад Польскай акадэміі навук. Ён зьяўляецца ганаровым грамадзянінам такіх гарадоў як Калуга, Гагарын, і Джэзкаган.
Пётар Клімук — аўтар двух кніг пра палёты ў космас: «За зорамі» і «Атака на бязважкасьць».
- Дэпутат Вярхоўнага Савету СССР 10-га скліканьня
- Народны дэпутат СССР (1989—1991)
- Ляўрэат Дзяржаўных прэміяў СССР (1978, 1981)
- Узнагароджаны Ганаровай граматай Нацыянальнага сходу Рэспублікі Беларусь (2002)[2]
Сям’я
рэдагаваць- Жонка — Лілія Ўладзімераўна Клімук.
- Сын — Міхаіл Пятровіч Клімук[3], вайсковы аташэ амбасады Расеі.
Крыніцы
рэдагаваць- ^ Вікторыя Целяшук. У космасе сьніцца дом, а дома — космас // Зьвязда : газэта. — 29 сьнежня 2009. — № 247 (26605). — С. 5. — ISSN 1990-763x.
- ^ Постановление Президиума Совета Республики Национального собрания Республики Беларусь от 4 июля 2002 г. №273-ПСР2 «О награждении П. И. Климука Почетной грамотой Национального собрания Республики Беларусь» (рас.)
- ^ Мікалай Паўлюковіч. Слова падзякі // Зьвязда : газэта. — 15 студзеня 2014. — № 6 (27616). — С. 8. — ISSN 1990-763x.