Вайсковы аташэ
Вайско́вы аташэ́ — прадстаўнік вайсковага ведамства пры дыпляматычным прадстаўніцтве дзяржавы, акрэдытаваны пры МЗС краіны знаходжаньня. Адначасна зьяўляецца дарадцам дыпляматычнага прадстаўніка па вайсковых пытаньнях, карыстаецца прывілеямі й імунітэтам нароўні з дыпляматычным пэрсаналам.
Адным з кірункаў працы вайсковага аташэ зьяўляецца таксама догляд за вайсковымі пахаваньнямі грамадзянаў сваёй дзяржавы.
Часта вайсковы аташэ (або аташэ па пытаньнях абароны) мае штат супрацоўнікаў, які завецца вайсковы аташат. Ён можа ўлучаць ваенна-марскіх, ваенна-паветраных аташэ і іхніх памочнікаў, а таксама іншых акрэдытаваных супрацоўнікаў.
Зазвычай краіны абменьваюцца вайсковымі аташэ адна з адной.