Прысутныя месцы (Менск)

Славутасьць
Прысутныя месцы

Краіна	Беларусь
Горад	Менск
Адрас	пл. Свабоды, 23
Каардынаты	53°54′13.02″ пн. ш. 27°33′26.58″ у. д. / 53.9036167° пн. ш. 27.5573833° у. д. / 53.9036167; 27.5573833Каардынаты: 53°54′13.02″ пн. ш. 27°33′26.58″ у. д. / 53.9036167° пн. ш. 27.5573833° у. д. / 53.9036167; 27.5573833
Аўтар праекту	Л. Садоўскі, К. Хршчановіч
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Прысутныя месцы на мапе Беларусі Прысутныя месцы
Прысутныя месцы на Вікісховішчы

Прысу́тныя ме́сцы — будынак манастырскага корпусу манастыра базылянаў у Менску, які пазьней выкарыстоўваўся як адміністрацыйны. Уваходзіць у Ансамбль Плошчы Свабоды.

Гісторыя

Рыгор Міранскі. Будынак Менскіх губэрнскіх прысутных месцаў. Пач. XX ст.

Корпус былога манастыра базылянаў быў выкарыстаны для будынку Прысутных месцаў. У 1840 годзе архітэктарам К. Хршчановічам складаецца праект перабудовы манастыра^[1]. Працы па рэканструкцыі былі завершаныя да 1852 году^[2]. Будынак Прысутных месцаў зь невялікімі зьмяненьнямі дайшоў да нашага часу, да 1982 г. вядомы як Дом прафсаюзаў.

Архітэктура

Будынак манастыра (пл. Свабоды, 23/19) уяўляе сабой трохпавярховы аб’ём прастакутны ў пляне з нутраным дворыкам, арыентаваны галоўным фасадам на плошчу Свабоды. Цэнтральная частка вылучаная неглыбокім рызалітам, завершаная складаным ступеньчатым атыкам. Над галоўным уваходам невялікі балькон з мэталёвай агароджай. Паміж першым і другім паверхамі карнізны пояс. Накрыты вальмавым дахам. Сьцены рытмічна расчлянёныя прастакутнымі аконнымі праёмамі, якія на другім паверсе дэкараваныя прамымі сандрыкамі. Фасад завершаны фрызавым поясам з трыгліфамі й карнізам з сухарыкамі. Плястыка дваровага фасаду ўзбагачаная рызалітамі, плоскімі лапаткамі. У інтэр’еры скляпеньні першага паверху крыжовыя^[3].

Крыніцы

^ ЦДГА РФ у Санкт-Пецярбурзе, ф. 1293, он. 165, спр. 151, арк. 1.
^ Syrokomla Wl. Mińsk.—Teka Wileńska, 1957, N l, s. 177.
^ Дзяржаўны сьпіс гісторыка-культурных каштоўнасьцяў Рэспублікі Беларусь / склад. В. Абламскі, І. Чарняўскі, Ю. Барысюк. — Менск: БелТА, 2009. — 684 с. — ISBN 978-985-6828-35-8

Вонкавыя спасылкі

Прысутныя месцы (Менск) — сховішча мультымэдыйных матэрыялаў

Царква Сьвятога Духа (Менск) на Radzima.org

[1] ЦДГА РФ у Санкт-Пецярбурзе, ф. 1293, он. 165, спр. 151, арк. 1.

[2] Syrokomla Wl. Mińsk.—Teka Wileńska, 1957, N l, s. 177.

[3] Дзяржаўны сьпіс гісторыка-культурных каштоўнасьцяў Рэспублікі Беларусь / склад. В. Абламскі, І. Чарняўскі, Ю. Барысюк. — Менск: БелТА, 2009. — 684 с. — ISBN 978-985-6828-35-8

[1]

[2]

[3]