Нэка Ўільямз
Нэ́ка Ўі́льямз (па-ангельску: Neco Williams; нар. 13 красавіка 2001 году) — ўэйлскі футбаліст, левы абаронца ангельскага клюбу «Нотынггэм Форэст» і нацыянальнай зборнай Ўэйлзу, за якую дэбютаваў 3 верасьня 2020 году ў матчы супраць зборнай Фінляндыі.
| Нэка Ўільямз | ||
_(cropped).jpg)
| ||
| Пэрсанальная інфармацыя | ||
|---|---|---|
| Нарадзіўся | 13 красавіка 2001[1] (23 гады) | |
| Рост | 183 см | |
| Пазыцыя | абаронца | |
| Клюбная інфармацыя | ||
| Клюб | Нотынггэм Форэст | |
| Нумар | 7 | |
| Клюбы | ||
| Гады | Клюб | Гульні (галы)¹ |
| 2020—2022 2022 2022— |
Лівэрпул → Фулгэм (арэнда) Нотынггэм Форэст |
13 (0) 14 (2) 61 (1) |
| Зборныя | ||
| 2020— | Ўэйлз | 40 (4) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьЎільямз далучыўся да акадэміі «Лівэрпула» яшчэ ў шасьцігадовым веку, і прайшоў з клюбам розныя юнацкія і моладзевая каманды. У тым ліку гулец браў удзел у розыгрышах Юнацкай лігі УЭФА[2][3]. Абаронца атрымаў сур’ёзнае пашкоджаньне сьпіны, праз што прапусьціў амаль увесь сэзон 2017—2018 гадоў. Па акрыяньні і вяртаньні былой формы, валіец дамогся прасоўваньня ў галоўную каманду клюбу. Дэбют абаронцы за клюб прыпаў на фантастычны матч Кубка футбольнай лігі 30 кастрычніка 2019 году супраць «Арсэналу», які скончыўся зь лікам 5:5 у асноўны час[2]. Прыкметна, што Ўільямз асыставаў Дывоку Арыгі на апошніх хвілінах матчу, такім чынам, спрычыніўся да выратаваньня клюбу. У сэрыі пасьляматчавых пэнальці перамогу атрымалі лівэрпулцы. У наступным футбаліст працягваў выступаць за рэзэрвовую каманду.
Ягоны дэбют у матчы Прэм’ер-Лігі адбыўся 24 чэрвеня 2020 году, неўзабаве пасьля таго, як спаборніцтвы аднавілася па трохмесячным спыненьні, выкліканым пошасьцю каранавіруса. Ўіяльмз выйшаў на поле на 74-й хвіліне матчу супраць «Крыстал Пэлас» (4:0)[4]. Сэзон скончыўся для гульца тытулам чэмпіёна Ангельшчыны, бо да сканчэньня розыгрышу ён пасьпеў згуляць дастатовую колькасьць матчаў дзеля гэтага[5]. 17 жніўня валіец падпісаў новую доўгатэрміновую ўгоду з «чырвонымі»[6]. 31 студзеня 2022 году з мэтай павелічэньня гульнявога часу футбаліст на канца сэзону 2021—2022 гадоў сышоў у «Фулгэм»[7]. 8 сакавіка гулец упершыню ў кар’еры адзначыўся голам, двойчы ўлучыўшы мяч у браму «Сўонсі Сіці». Па вяртаньні ў «Лівэрпул» далучыўся да «Нотынггэм Форэст», які выдаткаваў на набыцьцё абаронцы 17 млн фунтаў[8].
Дасягненьні
рэдагаваць«Лівэрпул»:
- Чэмпіён Ангельшчыны: 2020
- Пераможца клюбнага чэмпіянату сьвету: 2019
Крыніцы
рэдагаваць- ^ а б в Neco Williams // Transfermarkt (мн.) — 2000.
- ^ а б Jones, Neil (30.10.2019). «Neco Williams set to make Liverpool debut in Carabao Cup tie against Arsenal». Goal.com.
- ^ Vincet, Gareth (15.11.2019). «Neco Williams: Wales youngster aims to seize Liverpool chance». BBC Sport.
- ^ «Liverpool 4–0 Crystal Palace: Reds move within two points of league title». BBC Sport.
- ^ Ellis, Callum (11.07.2020). «Neco Williams set for Premier League medal after fifth league appearance». Y Clwb Pêl-Droed.
- ^ «Neco Williams signs new long-term contract with Liverpool FC». Liverpool F.C.
- ^ «Williams Arrives On Loan». Fulham F.C.
- ^ Winehouse, Amitai (13.07.2022). «Forest confirm £17m Williams signing from Liverpool». The Athletic.
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball