Міхаіл Тумеля

Міхаіл Тумеля
	Міхаіл Тумеля
	2013 г.
Дата нараджэньня	18 лютага 1963 (61 год)
Месца нараджэньня	Менск, Беларуская ССР, СССР
Грамадзянства	Беларусь
Месца вучобы	архітэктурны факультэт БНТУ[d]; Вышэйшыя курсы для сцэнарыстаў і рэжысэраў[d];
Занятак	Рэжысэр
Месца працы	Беларусьфільм;
Гады дзейнасьці	З 1989-га
Узнагароды	Галоўныя ўзнагароды «Залатая Рыбка» (Масква, 1998) і «Арлянё» (1999), «Залаты Віцязь» (Масква, 2000)
IMDb	ID nm2201842
Сайт	tumelya.livejournal.com
	Міхаіл Тумеля ў Вікісховішчы

Міхаіл Браніслававіч Тумеля (1963, Менск, цяпер Беларусь) — беларускі рэжысэр, аніматар. У працах дасьціпна асучасьнівае беларускую гісторыю і фальклёр. Выкарыстоўвае ўнікальную беларускую тэхніку выцінанкі.

У дзяцінстве маляваў мультгерояў, малюнкі якіх выразаў з часопіса «Савецкі экран». У 1978 годзе, у 15-гадовым узросьце, пачаў практыкаваньні ў цэху мультыплікацыі студыі «Беларусьфільм». У 1980 г. паступіў на архітэктурны факультэт Беларускага політэхнічнага інстытуту. Пасьля сканчэньня інстытуту атрымаў разьмеркаваньне на кінастудыю «Беларусьфільм», дзе працаваў расфарбоўнікам і фазоўнікам. У 1986 г. паступіў на Найвышэйшыя рэжысэрскія курсы(ru) ў Маскву^[1].

У 1989—1999 — рэжысэр менскай студыі «АФ-Цэнтр», адначасова ў 1998—2000 працаваў па кантракце на анімацыйных студыях у Маскве, Портлэндзе (ЗША) і Сэуле (Паўднёвая Карэя), у 1992—1993 вёў заняткі па асновах анімацыі на курсах пры к/с «Троицкий мост» (С.-Пецярбург).

Быў сувядоўцам праграмы «Мультыклюб» на беларускім тэлебачаньні ў 1994—2005. Зьняў шэраг рэклямных ролікаў і ТБ-заставак. Супрацоўнічае са студыямі «Пилот», «Панорама». Чалец АСІФА. Здымаўся ў дакумэнтальных сэрыялах «Мир анимации или анимации мира» (2001), «Фабрика чудес» (сэрыя «Режиссёр-мультипликатор», 2005), «Невесомая жизнь» (2006).

Фільмаграфія

Міхаіл Тумеля. Інтэрвію каналу Белсат. 24 верасьня 2013 году.

1988: «Марафон»(ru) (рэжысэр), «Рыса»(ru) (рэжысэр)
2000: «Мячык» (рэжысэр)
2006: «Непахісны Чэн» (рэжысэр)
2007: «Аповесьць мінулых гадоў»
2008: «Беларускія прымаўкі»
2010: «Выцінанка-выразанка»
2011: «Беларускія прымаўкі»
2012: «Як служыў жа я ў пана» (рэжысэр)

Узнагароды

«Выцінанкі-выразанкі» — прыз за лепшую рэжысуру на Адкрытым расейскім фэстывалі анімацыйнага кіно, Суздаль 2011^[2]

Крыніцы

^ Вольга Чайкоўская. Міхаіл Тумеля з Альфа Мэга Цэнтаўра // Зьвязда : газэта. — 26 ліпеня 2011. — № 139 (27003). — С. 6. — ISSN 1990-763x.
^ «Выцінанкі-выразанкі» Міхаіла Тумелі атрымала прыз за лепшую рэжысуру(недаступная спасылка)

Вонкавыя спасылкі

[1] Вольга Чайкоўская. Міхаіл Тумеля з Альфа Мэга Цэнтаўра // Зьвязда : газэта. — 26 ліпеня 2011. — № 139 (27003). — С. 6. — ISSN 1990-763x.

[2] «Выцінанкі-выразанкі» Міхаіла Тумелі атрымала прыз за лепшую рэжысуру(недаступная спасылка)

[1]

[2]